کوئٹہ۔19مارچ( اے پی پی )چیئرمین سینیٹ محمد صادق سنجرانیءِ گوما پاکستان مسلم لیگ(ن) ءِ باسک صوبائی اسمبلی خلیل جارج،صوبائی وزیرمیر سرفراز بگٹی،میر غلام دستگیر بادینی ،میر عبدالماجد ابڑو ،عبدالکریم نوشیروانی،چیف ایگزیکٹیو آفیسر کیسکو رحمت اللہ بلوچ،پیسریگیں میئر کوئٹہ میر مقبول لہڑیءِ ھوار لہتیں سیاسی ءُُ چاگردی مردماں آہانی گِس ءَ گند ءُُ نند کنان ایشاں ءَ را چیئرمین سینیٹ گچین بوھگ ءِ سرا مراد بات داتگءُُ امیت ءِ درشان کت کہ چیئرمین سینیٹ محمد صادق سنجرانی بُرزی ایوان ءَ را شریں وڈ ءَ دیما برانت ،راج ءِ امیت ءَ سرجم ایر کائیت ءُُ دراھیں سیاسی گلانی سینیٹراں یک وڈ یں موہ پھجارانت۔محمد صادق سنجرانیءِ بلوچستان ءَ چہ راجدپتر ءَ اولی رندءَ چیئرمین سینیٹ گچین بوھگ دراھیں صوبگ ءِ راج ءِ ھاترا وشیں گپ انت ،مار امیت انت کہ محمد صادق سنجرانی وتی بود ءَ کارمرز کنان ءَ سینیٹ ءِ کارروائی شریں وڈ ءَ چلائیں انت ۔
