اسلام آباد۔ 20 مارچ (اے پی پی) احتساب عدالت اسحاق ڈار نا برخلاف ریفرنس اٹی شریک دوبہ دار آتا ضمنی ریفرنس ءِ خارج کننگ نا درخواست ءِ مسترد کرسا سماعت ءِ 27 مارچ اسکان ملتوی کرے۔ سے شنبے نادے احتساب عدالت نا جج محمد بشیر اسحاق ڈار نا برخلاف دائر میرات ریفرنس نا سماعت ءِ کرے۔ سماعت اٹی نیشنل بینک نا صدر سعید احمد ضمنی ریفرنس خارج کننگ نا درخواست دائر کرے ہرادے عدالت مسترد کرسا کیس انا سماعت ءِ 27 مارچ اسکان ملتوی کرے۔ عدالت پرمان کرے کہ بروک آ سماعت آ دوبہ دار آ فرد جرم بیٹ کننگک۔ فاضل جج محمد بشیر پرمان تس کہ درخواست خارج کننگ نا سرجم فیصلہ ءِ گڈ اٹ جاری کننگک۔ سماعت آن پد صحافی تتون ہیت وگپ کرسا نیشنل بینک انا صدر سعید احمد نا وکیل حشمت حبیب پارے کہ نوشتہی فیصلہ ملنگ آن پد اودے ہائی کورٹ اٹ چیلنج کیک۔
