اسلام آباد۔ 20مارچ (اے پی پی) وزیراعظم شاہد خاقان عباسی تون پاک فضائیہ نا سروک ایئر چیف مارشل مجاہد انور خان سے شنبے نادے وزیراعظم آفس اٹی اوڑدہی کرے۔ اوڑدہی ٹی پاک فضائیہ نا بابت کسبی معاملہ غاتیا خیال آتا درشانی مس۔ وزیراعظم آفس نا کنڈآن جاری بیان نا رداٹ وزیراعظم ایئر چیف مارشل مجاہد انور خان ءِ پوسکن آ زمواری تے سنبھالنگ آ مبارکبادی ترسا اومیت ظاہر کرے کہ پی اے ایف اونا کسبی لائخی و سرکڑدہ ہی آن پبی فائدہ ہرفک۔ ایئر چیف مارشل مجاہد انور خان پت انا درشانی ءِ کننگ آ وزیراعظم نا منت واری ءِ ہرفسا اودے باوری ترفے کہ او ملک انا فضائی سیم تا رکھ ءِ پین سوگو جوڑ کننگ کن تینا گچین لائخی تے کاریم اٹ اتیک۔
