اسلام آباد ۔ 19 مارچ (اے پی پی)دیمپانی وزیر انجنیئرخرم دستگیرخان ءَ ایئرچیف مارشل مجاہد انورخان ءَ را پاک فضائیہ ءِ کمان سمبھالگ ءَ مراد باتی دات ءُُ امیت ءِ درشان کت کہ نوکیں ایئر چیف ءِ راھشونی ءَ پاک فضائیہ انشاء اللہ ملکی سیمسرانی 21سدی ءِ راھبندانی ردا دیمپانی کنت۔ربالکار دیمپانی کارگس ءِ گوشگ ءِ ردا دیمپانی وزیر انجینئرخرم دستگیرخان ءِ ایئرچیف مارشل سہیل امان ءِ پُرشانیں دزکشی ءِ سرا نیکیں واھشتانی درشان کنان ءَ گوشت کہ آہاں را گرانیں وھد ءَ پاک فضائیہ ءَ را نوکتر جوڈ کنگ ءِ ھوالہ ءَ گوں یات ایر کنگ بیت۔ایشانی پی اے ایف ءِ تہ ٹیکنالوجی گیش کنگ ءُُ ناشرکاری گرءُُ دار ءِ ھاترا نگہوانی ءُُ ھاسیں کرد ءَ را ہر وھد یات ایر کنگ بیت۔دیمپانی وزیر ءَ سہیل امان ءِ باندات ءِ تہ سوبمندیانی ھاترا نیک واھشتانی درشان کتگ۔
