اسلام آباد۔19مارچ(اے پی پی) ریئرایڈمرل عمران خان احمد ءَ پاک نیوی ءِ لاجسٹکس کمانڈءِ سروکی ءِ زمہ واری سنھبال اِتگ اَنت ۔ کمانڈمٹ کنگءِ پُرمڈاھیں مراگشءِ تہا پی این ڈاکیارڈ ءَ بوتگ۔ کہ آئیءِ تہا سبکدوش بوتگیں کمانڈر لاجسٹکس ریئر ایڈمرل ساجد وزیر خان ءَ نوک بوتگیں کمانڈر لاجسٹکس ءِ ھوالگءَ کتگ اَنت۔ کمانڈر لاجسٹکس ءِ ارزشت ءَ ریئر ایڈمرل عمران خان احمد پاک بحریہ ءِ دراھیں یونٹس، گرابءُ اسٹیبلشمنٹس ءِ لاجسٹک سپورٹ ءُ مرمتءُ مینٹینینس ءِ آسراتی ءِ مزن سرپانک بیت۔ مراگشءِ تہا نوک گچین بوتگیں کمانڈر لاجسٹکس ءَ را گارڈ آف آنر پیش کنگ بوتگ۔ ایشی ءَ پد آئیءِ دست چیری یونٹس ءِ دراھیں سروکانی نوکیں کمانڈر لاجسٹکس ءَ گوں پجاروکی کتگ۔ مراگشءِ تہا پاک بحریہ ءِ افیسر، سلیرز ءُ سویلین ملازمین آنی مزنیں کساسے ھواربوتگ۔
