اسلام آباد۔ 18 مارچ (اے پی پی) پاک فوج ءِ شوبگ (آئی ایس پی آر) ءِ ڈائریکٹر جنرل میجر جنرل آصف غفور ءَ گوشت کہ پاکستان ءَ حقانی نیٹ ورک ءَ ھوار ناشرکار آنی توامیں گروپ آنی ٹھکانہ آناں وتی سرزمین ءِ سرءَ چہ ھلاس کتگ ایشی ءِ ھاترا پاکستان ءَ را ٹوھیں نیاد ءِ مٹ ءَ دیگ کپتگ۔ گلف نیوز ءِ گوما یک ھاسیں گلگدار ءِ ئے تہ ءَ آئی ءَ گوشت کہ پاکستان ءَ ناشرکاری ءِ ھلاپ ءَ جنگ کامیاتی ءَ گوں مچ اینتگ۔ ھمے ھاترا 75ہزار پاکستان آں جان آنی نذرانہ پیش کتگ، راجی ھزانگ ءَ چہ 123ارب ڈالر ءَ چہ گیش مالی تاوات برداشت کت۔ پاک بھارت ایمن امیت ءِ سرءَ تران کنان ءَ اآی ءَ گوشت کہ منی یکیم انت کہ دو نیمگی یکوئی آناں مدامیگیں رچ ءَ آرگ ءِ واستہ دوئیں جوہری ھاٹیگ آناں بنیاتی جیڈھ کشمیر ءَ ھوار توامیں جیڈھ آناں گیوار کنگ لوٹ ایت۔ ڈائریکٹر جنرل آئی ایس پی آر ءَ ناشرکاری ءِ ھلاپ ءَ پاکستان ءِ کامیاتی، پاک بھارت یکوئی ءُُ دو ئیں ملک آںی نیام ءَ ایمنی ءِ گشی ءِ سرءَ تران کت۔ آئی ءَ پاکستان ءِ متحدہ عرب امارات ءِ گوما یکوئی ءُُ چین پاکستان اقتصادی راہداری (سی پیک) ءِ 54ارب ڈالر ءِ منصوبگ ءِ سرءَ ھیال ریچی کت۔ ناشرکاری ءِ ھلاسی ءِ واستہ پاکستان ءِ گامگیج آنی ھوالگ ءَ یک جُستے ءِ پسو ءَ آئی ءَ گوشت کہ 2611کلومیٹر دراج بُریں پاک اوگان سیم سر ءِ سرءَ یک جنگ ءِ اے وھد ءَ پاکستان ءِ تہ ءَ پترتگ وھد ءِ امریکی کمکی اُرد آں اوگان ءَ القاعدہ ءِ ھلاپ ءَ اُردی کاروائی آنی بندات کت۔ آئی ءَ گوشت ک اے وھد ءَ پاکستان ءَ ناشرکار آنی مھکمیں ٹھکانہ آنی اِچ استی نیت وھدیکی باکی ناشرکار آنی ھلاسی ءِ واستہ چیریں ھال آنی سرءَ آپریشن رد الفساد بندات کنگ بوت ایش کامیاتی ءِ گوما جاڑی اِنت۔ آئی ءَ گوشت کہ آپریشن ءِ سبب ءَ سرجمیں پاکستان ءَ ناشرکاری ءِ کمو کمتر بوتگ۔ پشمندگیں ناشرکار 26لکھ اوگان پناہ زوروک آں چہ نپ چست کنگ ءَ انت ھما کہ پاکستان ءَ ایمنی ءَ نشتگ انت۔
