لاہور۔17 مارچ(اے پی پی )بُنجاھی وزیر توکی کار احسن اقبال ءَ گوشت کہ وانگ ءُُ زانگ کامیاتیں باندات ءِ در جنگ ءِ جوانیں وسیلگ اِنت، دُگنیا ءَ ایجوکیشن ءُُ محنت ھما اسپر اَنت ایشاں چہ بنی آدم آسانی ءَ چہ ھمک منزل ءَ را در جت کنت، مات ءُُ پت ءُُ استاد ءِ شرپ ءَ چہ بنی آدم اِچ بر ناکام نہ بیت۔ اے ھیالانی درشانی آئی ءَ گوستگیں روچ ءَ صوبائی دارالحکومت لاہور ءِ دمگ شاہ جمال ءَ ’’ آپانثار فاطمہ ہائی سکول‘‘ ءَ جوانیں کامیاتی در جنوکیں مردم آناں داد آنی بھر ءُُ بانگ کنگ ءِ ساھت ءَ گشتانک دات۔ اے موہ ءِ سرءَ چیئرمین پاکستان انجینئرنگ کونسل جاوید قریشی، ڈین انسٹیٹیوٹ آف ایجوکیشن اینڈ ریسرچ پنجاپ یونیورسٹی ممتاز اختر، مسز طاہر ملک، پرنسپل بسمہ اللہ ءُُ زھگ آنی مات ءُُ پت ءِ مزنیں کساس ءِ اے وھد ءَ ساڑی ات۔
