اسلام آباد۔15مارچ(اے پی پی) پاکستانءَ بھارتءِ نیمگءَ چہ سفارتی عملہ ءَ را یکوئی ءَ ترسءِ تہا کنگ ءَ نئی دہلی ءَ وتی ہائی کمشنر ءَ را شورءُ صلہ ءِ ھاترءَ اسلام آبادءَ لوٹ اِتگ۔ دری کارانی کارگسءِ جارچینءَ گشتگ کہ سفارت کارانی رکھینگ اولی دلگوشی اِنت ۔ رکھینگءِ ھاترءَ ھمک بوھوکیں گامگیج ءَ چست کن اَنت۔ بھارت ءِ تہی سیاست ءُ گچین کاریءِ تہا پاکستانءَ را ھوار کنگ مہ بیت۔ ملافضل اللہ ءُ ولی اللہ ءِ سرءِ نیاد جوڈ کنگءِ ھوالگءَ امریکی گامگیج ءَ را وش اَتک کن اَنت، ناشرکاراناں آھانی گڈی آسرءَ سرکنگءِ ضلورت اِنت۔ پاکستان خطہ ءِ تہا سلاھ ءِ ھلاپ اِنت، بھارت ءِ گامگیج ءَ چہ دمگی امنءُ ایمنی نہ مھکمی ءِ آماچ اِنت۔ بھارت خطہ ءِ ھاترءَ ھترہ ودی کنگءَ اِنت۔ پاکستان ءَ را تنا کنگءِ بھارتءِ کوشست ناکام بوتگ اَنت۔ بنگلہ دیش ءِ گوما سیاسی شورءُ صلہ ءِ عمل ءَ را بندات کنگءِ سرءَ چارءُ بچار بوھگءَ اِنت۔ پنچ شمبے ءِ روچءَ ھپتگی پریس شونشت ءِ تہا صحافی آنی جستانی پسو داتگءُ دری کارانی جارچین ڈاکٹر محمد فیصل ءَ گشتگ کہ بھارت ءِ تہا پاکستانی سفارتی عملہ ءُ آھانی زھگاناں یکوئیءَ ترسءِ تہا کنگ ءَ نئی دہلی ءَ استیں ہائی کمشنر ءَ را شورءُ صلہ ءِ ھاترءَ اسلام آباد ءَ لوٹ اِتگ۔ پاکستانءَ بار بار اے جیڑھ بھارتءَ چہ چست کتگ بلے نئی دہلی ءَ تاں انگت ایچ وڈیں کاروائی نہ کتگ۔ سفارتی عملہ ءُ آھانی زھگاناں ترسءُ بیم پیش دارگءَ بھارت ویانا کنونشن ءِ ھلاپ ورزی ءَ کنگءَ اِنت۔
