پاک بحریہ ءِ ڈریجنگ ءِ ازمکارنی آنی تہ ءَ جوانیں گیشی بیت، اے برتھوں ءُُ جیٹیز ءِ نزیک ڈریجنگ کت کنت آھودا ھمروچگیں رنگ ءِ آلہ پٹ بوت نہ کنت
مئے دکہ ملک ءِ اقتصادی دیمروئی ءِ ضامن اَنت ایشاناں مُدام برجا کنگ ءِ واستہ یک مھکمیں بحریہ ءِ پکار اِنت، ڈریجر راہ کشا ءِ ھواری ءَ چہ پاک بحریہ ءِ یک المی ایں لوٹ ءِ پیلو بوتگ، وائس چیف آف نیول اسٹاف وائس ایڈمرل کلیم شوکت ءِ مراگش ءَ گشتانک
اسلام آباد ۔ 15 مارچ (اے پی پی)پا ک بحریہ ءِ واستہ تائجن شپ یارڈ چائنا ءَ جوڑ بوتگیں ڈریجر راہ کشا ءُُ 2 اسپلٹ ہوپر بارجز شنگ ءُُ تالانی اول ءُُ دوئم ءِ پاکستان نیوی ءَ بھر زوری مراگش پی این ڈاکیارڈ ءَ برجم دارگ بوت۔ وائس چیف آف نیول اسٹاف وائس ایڈمرل کلیم شوکت اے موہ ءَ ھاسیں مہمان اَت۔ پاک بحریہ ءِ ٹوھیں اپسرگ، شرپ مندیں چینی مہمان ءُُ کارپورریٹ سیکٹر ءِ نماھندگ ھم مراگش ءَ بھر زوری کت۔ نوک جوڑیشت بوتگیں ڈریجر راہ کشا ءُُ ایشی ءِ دو ہوپر بارجز شنگ ءُُ تالانی اول ءُُ دوئم ءِ بھر زوری ءَ چہ پاک بحریہ ءِ ڈریجنگ ءِ ازمکاری ءَ ٹوھیں کساس ءَ گیشی بیت۔ وتی جتائیں ڈیزائن ءُُ کار کنگ ءِ رپک ءِ بدولت ءَ اے ڈریجر برتھوں ءُُ جیٹیز ءِ نزیک ڈریجنگ کت کنت آھودار ھمروچگیں ڈریجنگ ءِ آلہ پٹ بوت نہ کنت۔ مراگش ءَ گشتانک دیان ءَ وائس چیف اسٹاف وائس ایڈمرل کلیم شوکت ءَ گوشت کہ پاکتان ءِ آپی تجات ءِ کشک ءُُ میری ٹائم زون ملکی معشیت ءِ شہ رگ اِنت ایشی ءِ رکھینگ ھمک رنگ ءَ کنگ ءِ ضلورت اِنت۔ آئیءَ گوشت کہ مئے دکہ ملک ءِ اقتصادی دیمروئی ءِ ضامن اِنت ایشرا برجا کنگ ءِ واستہ مھکمیں بحریہ وھد ءِ المی ایں ضلورت اِنت۔ آئی ءَ گیش گوشت کہ ڈریجر راھ کشا ءِ ھواری ءَ چہ پاک بحریہ ءِ یک ارزشتی ضلورت ءِ پیلو بوت ایش وتی گیش اینتگیں مول ءُُ مراد ءَ الم پیلو کنگ۔ ھاسیں مہمان ءَ گوشت کہ اے ڈریجرپاکستان ءُُ چین ءِ نیام ءَ بے دروریں دوستی ءُُ دو نیمگی دیمپانی کمک ءِ المی ایں چیدگ اِت ایش مُدام اوست آں پیلو کنت۔ آئی ءَ گوشت کہ اے منصوبگ ءَ را کامیات جوڑ کنگ ءَ توامیں سیاد ی داروک آنی محنت ءُُ کوشست آنی توسیپ کت ءُُ آئی ءَ را مبارک بات پیش کت۔
