صدر مملکت ممنون حسین ءِ گوما پاک فضائیہ ءِ کماش ایئرچیف مارشل سہیل امان ءِ گڈی گند ءُُ نند

اسلام آباد ۔ 15 مارچ (اے پی پی) صدر مملکت ممنون حسین ءِ گوما پاک فضائیہ ءِ ریٹائر بیوکیں کماش ایئر چیف مارشل سہیل امان ءَ ایوان صدر ءَ گڈی گند ءُُ نند کتگ۔ صدر مملکت ءَ پاک فضائیہءِ کماش ءِ بستار ءَ ہزمتاں را ساڑاتگ ءُُ گوشت کہ ایشی ءِ راھشونی ءَ پاک فضائیہ ءَ ھاسیں سوبمندی زوراتگ انت۔اے درگت ءَ ایشانی ہزمتاں را ہر وھد یات دارگ بیت۔صدر مملکت ءَ آہانی بانداتءِ ھاترا نیکیں واھشتانی درشان کتگ۔اے درگت ءَ ایئر چیف سہیل امان ءَ صدر مملکت ءِ منت گپتگ انت۔