اسلام آباد ۔ 15 مارچ (اے پی پی)صدر مملکت ممنون حسینءَ گوشت کہ انسانی وسیلگ ءِ دیمروئی ءِ ھاترا آئزن ہاور فیلو شپ پروگرامءِ ازمت باز حاص انت،اے ادارگ ءَ چہ ہیلکاری گروکیں زانتکار انسانیت ءِ ھاترا باز ہزمتاں دیئگ انت۔آہاں اے گپ آئزن ہاور فیلو شپ ءِ صدر جارج ڈی لاماءِ گوما گپ ءُُ تران کنان ءَ گوشت ات،آہاں پنچ شمبے ءَ ایوان صدر ءَ صدر مملکت ءَ گوں گند ءُُ نند کتگ۔ اے درگت ءَ انڈس ہسپتال کراچی ءِ چیف آپریٹنگ آفیسر عبدالباری خان ءُُ پاکستانءِ تہ آئزن ہاور پروگرام ءِ فیلوز ھم ساڑی اتنت۔ صدر مملکت ءَ گوشت کہ آئزن ہاور فیلو شپ پروگرام زندءِ لہتیں تک ءَ زانتکارانی تیاری ءَ ھاسیں کرد ادا کنگ انت،آہاں را وشی بوت کہ اول ءَ چہ پاکستانی اسکالرز اے مراگش ءَ گوں سیادی دارگ ات ہمہ کہ وطن عزیزءُُ بنی آدم ءِ ہزمت ءَ دزگٹ انت۔آہاں گوشت کہ آئزن ہاوروڈیں میاں اوستمانی علمی ادارگ علم ءِ ودکی ءُُ انسانی وسیلگ ءِ دیمروئی ءِ ھاترا ھاسیں کرد ادا کنگ انت۔ آہاں امیت ءِ درشان کت کہ آئزن ہاور فیلو شپ ءُُ پاکستان ءِ میان ءَ کمک ءِ لڑباندات ءَ ھم جاڑی بیت۔ صدر مملکت ءَ گوشت کہ دمگ ءَ چہ ناشرکاری ءَ چہ پاکستان باز آماچ بوتگ۔اے جنگ ءَ ہزاراں پاکستانی شہید بوتگ انت ءُُ مال ندر کتگ انت۔ناشرکاری ءَ چہ گرودار ءِ ھاترا امریکی کمک باز ارزشت دار انت۔آہاں گوشت کہ امریکہ ءَ نشتگیں پاکستانیانی مستریں کساس امریکہ ءِ دیمروئی ءَ وتی کرد پیلو کنگ انت،اے مردم دوئیں ملکانی نیام ءَ یک پُل ءِ بستار انت۔اے درگت ءَ آئزن ہاور فیلو شپ ءِ صدر جارج ڈی لاما ءَ صدر مملکت ءِ گوما گپ ءُُ تران کنان ءَ گوشت کہ آہانی پاکستان ءِ تروتاب باز وش بوتگ۔
