اسلام آباد۔ 14 مارچ (اے پی پی) ڈپٹی چیئرمین پلاننگ کمیشن سرتاج عزیز ءَ گوشت کہ چین۔ پاکستان اقتصادی راہداری (سی پیک) سرجمیں پڑ ءِ ھاترا المی اِنت، اے اِچ ملک ءِ ھلاپ ءَ نہ اِنت بلکینگ ءَ اے سرجمیں دُگنیا ءِ توامیں راج آنی واستہ ایمنی ءُُ وشھالی ءِ منصوبگ ات۔ اے ھیالانی درشانی آئی ءَ پاکستان کیپیٹل انوسٹمنٹ سمٹ ایکسپو 2018 ءِ موہ ءَ سی پیک ءِ بابت ءَ سیشن ءَ گشتانک دیان ءَ کت۔ آئی ءَ گوشت کہ اے ایوک ءَ دگ ءُُ بنیاتی کوکا ءِ منصوبگ نہ انت بلکینگ ءَ ایش سرجمیں دُگنیا ءِ مردم آنی نیام ءَ سیادی ءَ را گیش ودینگ ءَ واستہ انت، سی پیک ءَ چہ مئے ملک معاشی طاقت ءِ جوڑ بیت ھرچی کہ ما لوٹ آں۔ آئی ءَ گوشت کہ 2006ءَ چہ 2013ءَ تاں پاکستان ءِ معاشی شرح نمبگ 3درسد ءِ سرءَ اوشتاتگ، استیں حکومت ءِ مھکمیں معاشی گامگیج آنی سبب ءَ گوستگیں چار سال آنی ساھت ءَ نمبگ ءِ درسد 6ءَ تاں سر بوتگ۔ آئی ءَ گوشت کہ ون بیلٹ ون روڈ چینی صدر ءِ آئیڈیا بوتگ، پاکستان ءَ را اے منصوبگ ءِ سرءَ پگر اِنت ایش دیمروئی ءُُ وشھالی ءِ درور اِنت۔ آئی ءَ گوشت کہ چین پاکستان ءِ دُرستاں چہ مستریں برآمدی شریکدار اِنت۔ سی پیک ءِ دومی بھر ءَ ریل انفراسٹرکچر ءَ را گیش شاھیگانی دیگ بیت ءُُ پاکستان 2030ءَ تا ں یک زورا پُریں معشیت ءِ بیت ءُُ سہرا بیت۔
