دوہا۔ 14 مارچ (اے پی پی) بُنجاھی وزیر برائے دیمپانی پیداوار رانا تنویر حسین ءَ دیوان ایمری ءَ قطر ءِ مزن وزیر عبداللہ بن نصیر بن خلیفہ التھانی ءَ گوں گند ءُُ نند کت۔ بُنجاھی وزیر ءِ سروکی ءَ ڈل ءِ تہ ءَ دیمپانی در جنگ ءِ پارلیمانی سیکریٹری سردار منصب علی ڈوگر، وزارت ءِ دیمپانی پیداوار ءِ ایڈیشنل سیکریٹری میجر جنرل طارق غفور ءُُ پاکستان ءِ قطر ءَ سفیر شہزاد احمد ھوار اَنت۔ پاکستانی ڈل دوہا ءَ 12تاں 14 مارچ 2018 ءَ برجم بوھوکیں دوہا انٹر نیشنل میری ٹائم دیمپانی نماش ءُُ کانفرنس ءَ بھر زوری ءِ ھاترا دوہا ءِ تر ءُُ تاب ءَ شت۔ بُنجاھی وزیر ءَ دوئیں ملک آنی نیام ءَ دیمپانی پیداوار ءُُ جتا جتائیں جیڈھ آنی سر ءَ کمک ءِ استیں جاور ھال آنی سر ءَ گپ ءُُ تران کت۔ دیمپانی کمک ءِ شوبگ آنی تہ ءَ وت مہ وتی نزیکیں زرمبش آنی سر ءَ باست ءُُ واست کنگ بوت۔ شیخ عبداللہ ءَ دیمپانی ءُُ سلامتی ءِ شوبگ ءَ پاکستان ءِ کمک ءَ را وش اتک کت۔
