پاکستان ءِ توپان آں گوں گر ءُُ دار ءِ نظام ءِ بابت ءَ سرجمیں بریفنگ دیگ بوت، بلا ھ ءُُ آپت آں گوں گر ءُُ دار ءِ ھاترا دو نیمگی کمک ءَ را دل یکیمی جوڑ کنگ ءِ جزم ءِ درشان
اسلام آباد ۔ 14 مارچ (اے پی پی) ساؤتھ افریقین آرمی چیف لیفٹیننٹ جنرل لنڈائل یام ءَ چار شمبے ءَ ادا این ڈی ایم اے ءِ تر ءُُ تاب کت ءُُ چیئرمین این ڈی ایم اے لیفٹیننٹ جنرل عمر محمود حیات ءِ گوما دوت ءُُ دُراھ بوت۔ ساؤتھ افریقن آرمی چیف ءِ این ڈی ایم اے ءِ تر ءُُ تاب ءِ ساھت ءَ چیئرمین این ڈی ایم اے ءَ پاکستان ءِ آپت ءُُ بلاھ آں گوں گر ءُُ دار کنگ ءِ نظام ءِ بابت ءَ سرجمیں رنگ ءَ چمشانک دات۔ بریفنگ ءَ چیئرمین این ڈی ایم اے ءَ زرّباری افریقن آرمی چیف ءَ را توپان آں چہ رکھگ ءِ پاکستان ءِ وژن ءَ چہ سرپد کت ءُُ اے رد ءَ کرتگیں گامگیج آںی بابت ءَ سرجمیں گپ ءُُ تران ھم کت۔ ساؤتھ افریقن آرمی چیف ءَ پاکستان ءِ بلاھ ءُُ آپت آں گوں گر ءُُ دار ءِ نظام ءِ توسیپ کنان ءَ گوشت کہ اے رنگیں نظام ساؤتھ افریقہ ءَ جوڑ کنگ ءِ واھشت مند آں۔ چیئرمین این ڈی ایم اے ءَ دل یکیم کت کی ما ساؤتھ افریقہ ءِ گوما آپت ءُُ بلاھ ءِ نظام ءَ را جوان جوڑ کنگ ءَ پہ ھمک رنگیں کمک ءِ پُجاری کن آں۔ گند ءُُ نند ءِ ساھت ءَ بلاھ ءُُ آپت آں گوں گر ءُُ داری نظام آنی ءُُ سیادی داروکیں ادارگ آنی برجم جوڑ کنگ ءِ واستہ دو نیمگی کمک ءَ را دل یکیمی کنگ ءِ جزم ءِ درشان کنگ بوت۔
