اسلام آباد ۔ 14 مارچ (اے پی پی) بُنجاھی وزیر برائے ھاٹیگ سردار اویس خان لغاری ءَ گوشت کہ گوزوکیں سال ءَ توان ءِ پُجاری گوستگیں سال ءِ رد ءَ گہتر بیت۔ ھما فیڈر آنی تہءَ لائن لاسز کم بنت آھودا کوشست کنگ بیت لوڈ شیڈنگ نہ بیت۔ ڈسٹری بیوشن سسٹم ءَ را گہتر کنگ بوھگ ءَ اِنت۔ آیوکیں ماہ ءَ نیشنل الیکٹرک پالیشی منظوریی ءِ واستہ یکجائی نپ ءُُ سیت ءِ کونسل ءِ دیوان ءَ پیش کنگ بیت۔ چار شمبے ءَ ادا سولر انرجی ءِ بابت ءَ کانفرنس ءَ گشتانک دیان ءَ بُنجاھی وزیر اویس لخاری ءَ گوشت کہ توان ٹراسمیشن سسٹم ءِ تہ ءَ گہتری اتکگ بلے ڈسٹری بیوشن سسٹم ءِ تہءَ گہتری ءِ ضلورت اِنت۔ چار ماہ ءَ چہ توامیں دلگوشیت ڈسٹری بیوشن سسٹم ءِ گہتری ءِ سر ءَ انت۔ اویس لغاری ءَ گوشت کہ بلوچستان ءَ اگاں ٹیوب ویل سولر انرجی ءِ سر ءَ کت اَنت گڈا ھمک سال 150ارب کلدار ءِ بچت بیت۔ آئی ءَ گوشت کہ جنوبی پنجاپ ءَ ھم سولر ٹیوب پجار کنائینگ ءِ ضلورت اِنت۔
