اسلام آباد ۔ 14 مارچ (اے پی پی) صدر مملکت ممنون حسین ءَ ایوان صدر ءَ نوک گچین بوتگیں چیئرمین سینیٹ محمد صادق سنجرانی ءَ چار شمبے ءِ روچ ءَ گند ءُُ نند کت۔ اے موہ ءِ سر ءَ صدر ءِ مملکت ءَ محمد صادق سنجرانی ءَ را چیئرمین سینیٹ گچین بوھگ ءِ پد ءَ مبارکی دات ءُُ گوشت کہ پارلیمنٹ راستیں رنگ ءَ الس ءِ نماھندگی ءَ کنت ءُُ ایشی ءِ مھکمی ءَ چہ جمہوریت ءِ مھکمی بیت۔ صدر ءِ مملکت ءَ گوشت کہ پارلیمنٹ ءِ سروکی ءِ واستہ چیئرمین سینیٹ ءِ کرد سک باز المی اِنت۔ صدر ءِ مملکت ءَ امیت سہرا کت کہ پارلیمنٹیرین الس ءِ گہبود ءِ واستہ کانود جوڑ کنگ تانکہ الس پارلیمنٹ ءِ سر ءَ یکیم بکنت۔ اے موہ ءِ سرءَ چیئرمین سینیٹ ءَ گوشت کہ آ وتی کزبی زمہ واری آں جوانی ءَ پیلو کنت۔
