اسلام آباد ۔ 14 مارچ (اے پی پی) پاک بحریہ ءِ کموڈور احمد فوزان ءَ را ریئر ایڈمرل ءِ اگدہ ءَ دیمروئی دیگ بوت۔ رئیر ایڈمریل احمد فوزان ءَ 1986ءَ پاک بحریہ ءِ ویپن انجینئرنگ برانچ ءَ کمیشن گپت۔ وتی جوانیں کیریئر ءِ ساھت ءَ آئی ءَ پاک بحریہ ءِ بازیں سٹاف ءُُ کمانڈ اُگدہ آنی سر ءَ ڈیوٹی داتگ۔ پاک بحریہ ء، جارچین ءِ ردءَ آئی ءَ ارزشتی ایں سٹاف ءِ اگدہ آنی تہ ءَ جنرل منیجر میری ٹائم ٹیکنالوجیز کمپلیکس (نارتھ)، کمانڈر پاکستان فلیٹ ءِ فلیٹ ویپن انجینئرنگ آفیسر، جنرل منیجر (سپورٹ اینڈ سروسز) پی این ڈاکیارڈ ءُُ نیول ہیڈکوارٹرز ءَ ڈائریکٹر نیول ویپن اینڈ ایکویپمنٹ ءُُ اسسٹنٹ چیف آف نیول سٹاف (ٹیکنیکل )ءِ اُگدہ ھوار اَنت۔ رئیر ایڈمرل احمد فوزان اے وھد ءَ کراچی ءَ کمانڈنٹ پی این ایس ءِ بستار ءَ ڈیوٹی دیگ ءَ انت ءُُ گوزوکیں ماہ ءِ 16تاریخ ءَ آ ڈائریکٹر جنرل میری ٹائم ٹیکنالوجیز کمپلیکس ءِ بستار ءَ وتی جوائننگ ءَ دنت۔ ریئر ایڈمرل فوزان پاکستان نیوی وار کالج ءُُ نیشنل ڈیفنس یونیورسٹی اسلام آباد ءِ گریجویٹ اِنت۔ ایشی ءَ ابید آئی ءَ برطانیہ ءَ چہ رئیل ٹائم الیکٹرانک سسٹم ءَ ماسٹرز ءِ ڈگری ھم گپتگ۔ ریئر ایڈمرل احمد فوزان ءَ را آئی ءِ جوانیں ازمت آنی رد ءَ ستارہ امتیاز ملٹری ایوارڈ ھم دیگ بوتگ۔
