اسلام آباد۔13مارچ(اے پی پی) پاک بحریہ ءِ سروک ایڈمرل ظفر محمود عباسی ءَ ر اچیف آف جنرل اسٹاف رائل سعودی آرمڈ فورس آنی نیمگءَ چہ ’’کنگ عبدالعزیز میڈل آف ایکسیلینس‘‘ دیئگ بوتگ۔ پاک بحریہ ءِ سروک ایڈمرل ظفر محمود عباسی رائل سعودی نیول فورسز ءِ سروک ءِ دعوت ءِ سرءَ سعودی عرب ءِ سرکاری ترءُ تاب ءَ اِنت، تر ءُ تابءِ تہا گوستگیں روچءَ پاک بحریہ ءِ سروک ءَ را میڈل دیئگءِ ھاترءَ سعودی عرب ءِ شہر ریاض ءَ یک پُرمڈاھیں مراگشے کنگ بوتگ۔ پاک بحریہ ءِ سروکءَ رائل سعودی آرمڈفورسز ءِ چیف آف اسٹاف ، جنرل فیادد الرویلیءَ گوں گند ءُ نند کتگ۔ گندءُ نندءِ تہا دونیمگی ھدوکی ءِ کسبی کار ءُ دوھیں ملک آنی نیامءَ دونیمگی دیمپانی کمک ءِ سرءَ ھیال ءُ لیکہ ءِ درشانی کنگ بوتگ۔ جنرل فیادد الرویلی ءَ پاکستان ءُ سعودی عربءِ نیامءَ راجدپتری ءُ مھکمیں دیمپانیءِ بنیاتءَ جوڈ بوتگیں سیادی ءِ زکر کتگ۔ گندءُ نندءَ پد برجمیں مراگش ءِ تہا پاک بحریہ ءِ سروکءَ را ’’ کنگ عبدالعزیز میڈل آف ایکسیلینس‘‘ دیئگ بوتگ کہ رائل سعودی آرمڈ فورسز ءِ مزنیں داد اِت ۔ ایشی ءَ پد ایڈمرل ظفر محمود عباسی ءَ کمانڈررائل سعودی نیول فورسز، وائس ایڈمرل فہد عبداللہ الغوفیلی ءَ گوں گندءُ نند کتگ۔ ریاض ءَ استیں رائل سعودی نیول فورسز ءِ سرو ک ءَ پاک بحریہ ءِ سروک ءَ را وش اَتک کتگ۔ رائل سعودی نیول فورسز ءَ نیول چیف ءَ را سلامی پیش کتگ۔ ایشی ءَ پد چیف آف دی نیول سٹاف ءَ کمانڈر رائل سعودی نیول فورسز ءَ گوں گند ءُ نندکتگ۔ گندءُ نندءِ تہا نیول چیف ءَ دونیمگی ھدوکی ءِ کارءَ ھوار دونیمگی بحری کمک ءُ بحرِہند ءِ سکیورٹی ءِ جاورھال ءِ سرءَ ھیال لیکہ ءِ درشانی کتگ۔ رائل سعودی نیول فورسز ءِ سر وک وائس ایڈمرل فہد عبداللہ الغوفیلی ءَ پاک بحریہ ءِ آفیسر ز و سیلرزءِ مزنیں کسبی معیار ءُ خطہ ءِ مھکمی ءُ میری ٹائم سکیورٹی ءِ جوڈ کنگءَ پاک بحریہ ءِ جوانیں کردءَ ر اساڑاتگ۔ آئیءَ پاکستان نیوی ءِ نیمگءَ چہ رائل سعودی نیول فورسز ءَ را داتگیں ٹریننگ ءُ خلیج ءِ آپ ءِ تہا دوھیں بحری فوج آنی نیامءَ مشق نسیم البحر ءِ سوبمندیں بندات ءَ را ساڑاتگ۔ پاک بحریہ ءِ سروک ءِ اے دوھیں ملک ھاس دوھیں ملک آنی بحری فوج آنی نیامءَ استیں دونیمگی سیادی ءِ تہا گیش مھکمی ءِ سوب بیت۔
