اسلام آباد۔ 13مارچ(اے پی پی ) مزن وزیر شاہدخاقان عباسی ءَ موبائل فنانشل سیکٹر ءَ184.5ملین ڈالر ءِ زرکاری ءِ ھاترءَ سٹرٹیجک شریداری ءِ منءُ گرءِ ھوالگءَ ٹیلی نار گروپ ءُ آنٹ فنانشل سروسز گروپءِ نیامءَ مفاہمت ءِ یاتگیری ءِ سرءَ دستخط ءِ مراگشءَ ھوار بوتگ۔ آئی ٹی ءُ ٹیلی کام ءِ ملکی وزیر انوشہ رحمن، پاکستانءَ چینی سفیر یاؤجنگ ، پاکستانءَ ناروے ءِ سفیر تورے نیڈ ریبوءُ ھمگرنچیں عہدگ داراں ھوار بوتگ اَنت۔ ایم او یو ءِ ردءَ آنٹ فنانشل سروسز گروپ ٹیلی نار مائیکروفنانس بینک ءِ تہا 184.5ملین ڈالرءِ زرکاری کنت کہ ٹیلی نارگروپ ءِ چیردستی ادارگ اِت۔ مزن وزیر شاہد خاقان عباسی ءَ اے شریداری ءَ ر ا ساڑاتگ ءُ گشتگ کہ اے پاکستان ءِ تہا درملکی زرکاریءِ ھوالگءَ چہ جوانیں حکومتی پالیسی آنی عکس کشی اِنت۔ آئیءَ پاکستانءِ تہا زرکاری کنگءِ ھاترءَ آنٹ فنانشل ءِ پیسلہ ءَ را وش اَتک کتگءُ ملکءِ تہا سماجی ءُ اقتصادی دیمروئی ءِ ھوالگءَ ٹیلی نار ءِ کوشست ساڑاتگ اَنت۔ آئیءَ گشتگ کہ اے شریداری ڈیجیٹل پیمنٹ سلوشنز ءِ وسیلگءَ مالیاتی اِزمتءَ سر بوھگءَ کمک دنت۔
