اسلام آباد۔13مارچ(اے پی پی) مزن وزیر شاہد خاقان عباسی ءَ گوں ہارڈمزن شا ہ دربرجاھ ءِ نودربراں سئے شمبے ءِ روچءَ مزن وزیر کارگسءَ گند ءُ نند کتگ کہ پاکستانءِ 8روچی ترءُ تابءَ اَنت۔ پاکستان کریڈٹ ریٹنگ ایجنسی ءِ ایم ڈی عدنان آفاق ءُ ہارڈمزن شاہ دربرجا ھءِ پیسرگیں نودربر ثوبیہ مقبول ءَ اے ترءُ تابءِ بندوبست کتگ تنکہ نودربر اناں پاکستانءِ راستیں پجّار پیش دارگ بہ بیت۔ پاکستانی دودءُ ربیدگ ، سیاست ، وردن ءُ وراک، اِزمءُ فن ءُ جفرافیہ ءَ را پدرکنگءِ ھاترءَ 30ءَ چہ گیش دیوان ءُ سُرءُ پرانی بندوبست کنگ بوتگ ۔ اے گلگت ، اسلام آباد، لاہور ءَ ھوار ملک ءِ دگہ بازیں دمگانی ترءُ تابءَ کن اَنت کہ کراچی ءَ وتی گڈی آسرءَ سربیت۔ اے نودربر ہاورڈکمیونٹی ءَ گچین کتگ اَنت کہ آ پاکستانءِ ھوالگءَ زانگءِ واھشت مند اَنت۔ اے نودربر مہمان جہلانی ھاندانانی تر ءُ تاب ءَ چہ بہ گر دودءُ ربیدگءِ تپاسی کنگ، پالیسی سازگءَ چہ گندءُ نندءَ ھوار ایدھی فاؤنڈیشن ءِ وڈیں ادارگانی ھوالگءَ جوانیں سرپدی ھاسل کن اَنت ءُ اُلسی تکءَ نزیکی ءِ گیش کنگءِ ھاترءَ پاکستانی نودربراں گوں گندءُ نند ھم کنگءَ اَنت۔ مزن وزیرءِ گوما اے گندءُ نند اے ترءُ تابءِ ھاسیں دزگٹیے بوتگ۔
