وزیر ءِ دیمپان انجینئرخرم دستگیر خان ءِ پاک فضائیہ ءِ آپریشنل ایئر بیس ءِ تر ءُُ تاب

اسلام آباد۔ 13 مارچ (اے پی پی)وزیر ءِ دیمپان انجینئرخرم دستگیر خان ءَ پاک فضائیہ ءِ یک آپریشنل ایئر بیس ئے ءِ تر ءُُ تاب کت۔ ائیر بیس ءِ پُجگ ءِ پد ءَ پاک فضائیہ ءِ سروک ائیر چیف مارش سہل امان ءَ وزیر ءِ دیمپان ءَ را وش اتک کت۔ وزیر ءِ دیمپان ءَ اسیتیں دور ءَ نوکیں جوڑ بوتگیں ائیر پاور سنٹر آف ایکسیلینس ءِ تر ءُُ تاب کت ءُُ ایشرا اے سنٹر ءِ سیت ءُُ نپ ءِ بابت ءَ بریفنگ دات۔ نوکیں ترز ءِ جوڑیشت کنگ بوت ائیر پاور سنٹر آف ایکسیلینس، یک انچیں ارزشتی ایں ادار اِت کہ پاک فضائیہ ءِ پائلٹوں آں ابید آ دوستیں ملک آنی پائلٹ آناں ھم میاں اوستمانی ایکسر سائز آنی ساھت ءَ جوانیں ھیل کاری پُجارین ایت۔ وزیر ءِ دیمپانی ءَ کمبیٹ کمانڈرز اسکول ءُُ JF۔17ا سکواڈرن ءِ تر ءُُ تاب ءِ ساھت ءَ سکواڈرن ءِ بالی ءُُ زمینی کارندہ آں گوں کمو ساھت گوازینت۔ آئی ءَ پاک فضائیہ ءِ کارندہ آنی جوانیں ازمکاری ، کرد ءُُ کزبی لائکی آناں ساڑات۔ آئی ءَ پاک فضائیہ ءِ آپریشن ضرب عضب ءَ کلیتی کرد ءَ را ھم ساڑات۔ اے موہ ءِ سرءَ تران کنان ءَ ائیر چیف ءَ سئیں اُرد آنی نیام ءَ وت مہ وتی ءَ چہ ملکی بالی دیمپانی ءَ را بے دروریں جوڑ کنگ ءِ جزم ءِ درشان کت۔ آئی ءَ گیش تران کت کہ پاکستان ءِ سلامتی ءُُ وت واجئی دُرستاں چہ پیسر اِنت ءُُ پاک فضائیہ وتی بالی سیم سر آنی رکھینگ ءِ واستہ ھمک رنگ ءِ گامگیج زور ایت۔