اسلام آباد ۔ 13 مارچ (اے پی پی) بُنجاھی وزیر برائے دیمپانی پیداوار رانا تنویر حسین دوہا ءَ برجم داشتگیں انٹرنیشنل میری ٹائم دیمپانی نماھش 2018ءَ بھر زوری ءِ ھاترا 4 روچی سرکاری تر ءُُ تاب ءِ ھاترا دوہا (قطر) ءَ پُج اِت۔ بُنجاھی وزیر 4 باسکی ڈل ءِ سروکی ءَ کنگ ءَ اِنت، 4ڈل پاکستان نیوی ءِ یک بالیگ ءُُ پاکستان میری ٹائمز سیکورٹی ایجنسی ءِ نماھندگی ءَ کنگ ءَ اِنت۔ بُنجاھی وزیر ءَ نماش ءِ بنگیجی مراگش ءَ بھر زوری کت۔ بُنجاھی وزیر ءَ نماش ءَ گسی ایں روچ ءِ گوازینت۔ آئی ءَ قطر ءِ نائب خلیفہ شیخ عبداللہ بن حماد بن خلیفہ ءُُ وزیر مملکت برائے دیمپانی ڈاکٹر خالد بن محمود العطیہ ءَ گوں گند ءُُ نند کت۔ آئی ءَ دُگنیا ءَ جوڑ بوتگیں بازیں وتاس ءُُ مینوفیکچرز جتگیں سٹالز سیٹ اپ ءِ تر ءُُ تاب کت۔ بُنجاھی وزیر ءَ وتی تر ءُُ تاب ءِ ساھت ءَ ملک ءُُ کمپنی آنی سروک ءُُ کارندہ آنی گوما گند ءُُ نند ءُُ شور ءُُ مشور کت ایشی ءِ تہءَ قطر ءِ بارزان ہولڈنگز ءِ سی ای او ھم ھوار اتنت۔ ھمے رد ءَ بُنجاھی وزیر ءَ ترکی ءِ راجی دیمپانی وزیر ءُُ ترکی ءِ ایس ایس ایم انڈر سیکرٹری ءَ گوں گند ءُُ نند کت۔ گند ءُُ نند ءَ ترکی ءِ راجی دیمپانی وزیر Nurettin Canikli،پاکستان ءِ سفیر شہزاد احمد ،وزارت دیمپانی پیداوار ءِ ایڈیشنل سیکرٹری ھم آئی ءِ ھمبراہ ساڑی اتنت۔
