اسلام آباد ۔ 12 مارچ (اے پی پی) مزن وزیرشاہد خاقان عباسی ءَ گوشت کہ پاکستان یکجائی دیمروئی ءُُ وشھالی ءِ واستہ ایمن ءُُ وت مہ وتی رنگ ءَ پڑ ءِ وتی وژن ءِ سرءَ کار کنگ ءِ انت، ایمنیں ءُُ برجائیں اوگانستان پڑ ءِ اقتصادی دیمروئی ءِ واستہ ارزشت کرز اِنت، اے رد ءَ ھمساھگیں ملک بوھگ ءِ درگت ءَ پاکستان ءُُ ایران المی ایں کرد پیلو کت کن اَنت، دو نیمگی تجارت، سرمایہ کاری ءُُ تجارتی رابطہ آں ھوار جتا جتائیں شوبگ آنی تہ ءَ ایران ءِ گوما وت مہ وتی نپ ءُُ سیت ءِ ھاترا اقتصادی کمک ءَ را مھکم جوڑ کنگ ءِ واھشت ءَ دار اَنت۔ آئی ءَ اے ھیالانی درشانی دو شمبے ءَ ادا اسلامی جمہوریہ ایران ءِ وزیر ءِ درئی کار ڈاکٹر جواد ظریف ءَ گوں گند ءُُ نند ءِ ساھت ءَ تران کنان ءَ کت آئی ءَ مزن وزیر ءَ گوں گند ءُُ نند کت۔ گند ءُُ نند ءِ ساھت ءَ دوئیں سروک آں دو نیمگی سیادی ءَ را مھکم کنگءُُ پڑ ءَ ایمنی ءُُ سلامتتی ءِ بابت ءَ کار آنی سرءَ ھیال ریچی کت۔ مزن وزیر شاہد خاقان عباسی ءَ اے موہ ءِ سر ءَ دو نیمگی تجارت، سرمایہ کاری ءُُ تجارتی رابطہ آں ھوار جتا جتاءں شوبگ آنی تہ ءَ ایران ءِ گوما سیت ئی اقتصادی کمک ءَ را مھکم کنگ ءِ پاکستانی واھشت آنی جزم ءِ درشان کت۔ ایران ءِ درئی کارانی وزیر ءَ دوئیں ملک آنی نیام ءَ ٹوھیں تک ءِ رابطہ آنی توسیپ کت ءُُ گوشت کہ دوئیں ملک آنی نیمگ ءَ اے رد ءَ چست کتگیں گامگیج آنی نتیجگ ءَ اقتصادی ءُُ الس ءِ نیما ءَ رابطہ آنی تہ ءَ گیشی بیت ایشی ءِ تہ ءَ گیش گیشی ءِ پکار اِنت۔ آئی ءَ سیم سر ءَ چہ آدیم چست ءُ ایر آنی گر ءُُ دار ءِ واستہ بارڈار منیجمنٹ ءِ رد ءَ پاکستانی گامگیج آنی توسیپ کت۔ ڈاکٹر جواد ظریف اے وھد ءَ پاکستان ءِ سئے روچی تر ءُُ تاب ءَ کنگ ءَ اِنت۔ آ وتی پاکستانی ھمکار ءِ گوما وت مہ وتی شور ءُُ سلاھ کنت۔ اے تر ءُُ تاب ءِ ساھت ءَ آ سیادی داروکیں وزیر ءُُ ٹوھیں اُردی ءُُ سول کارندہ آں گوں گند ءُُ نند ھم کنت گوں۔
