مزن وزیرشاہد خاقان عباسی ءِ جوہری توانائی‘‘ ءِ میاں اوستمانی ایجنسی ءِ ڈائریکٹرجنرل نوکیاامانو ءَ گوں گند ءُُ نند ءَ درشان

مزن وزیرشاہد خاقان عباسی ءِ جوہری توانائی‘‘ ءِ میاں اوستمانی ایجنسی ءِ ڈائریکٹرجنرل نوکیاامانو ءَ گوں گند ءُُ نند ءَ درشان
اسلام آباد ۔ 12 مارچ (اے پی پی)مزن وزیرشاہد خاقان عباسی ءَ پاکستان ءَ جوہری ٹیکنالوجی ءِ جوانیں کارمردی ءِ رد ءَ جوہری ھاٹیف ءِ میاں اوستمانی ایجنسی (آئی اے ای اے) ءِ جوانیں کرد ءَ را ساڑات۔ مزن وزیر ءَ اے گپ جوہری ھاٹیگ ءِ میاں اوستمانی ایجنسی ءِ ڈائریکٹر جنرل نوکیا امانو ءَ گوں تران کنان ءَ گوشت، آئی ءَ دو شمبے ءَ مزن وزیر کارگس ءَ مزن وزیر ءَ گوں گند ءُُ نند کت۔ گند ءُُ نند ءِ ساھت ءَ پاکستان ءُُ جوہری ھاٹیگ ءِ میاں اوستمانی ایجنسی ءِ نیام ءَ کمک ءِ بابت ءَ جیڈھ آنی سر ءَ چار ءُُ تپاسی گپت۔ مزن وزیر ءَ پاکستان ءَ جوہری ٹیکنالوجی ءِ ایمنیں کارمری ءِ رد ءَ جوہری ھاٹیگ ءِ میاں اوستمانی ایجنسی (آئی اے ای اے) ءِ جوانیں کرد ءَ را ساڑات۔ مزن وزیر ءَ گوشت کہ جوہری ٹیکنالوجی ءِ ایمنی ءَ کارمردی ءِ بابت ءَ پاکستان ءِ کتگیں کار آناں دھ سالی تجروبت اِت ءُُ میاں اوستمانی تک ءَ جوانیں دیمروئی ءِ ھد ءُُ ابیل آنی در جنگ ءِ ھاترا پاکستان آئی اے ای اے ءِ گوما وتی شریکداری ءَ را گیش شاھیگانی دیگ ءَ تیار اِنت۔ مزن وزیر ءَ گوشت جوہری میداب ءَ ٹوھیں تجروبت ءِ رد ءَ پاکستان آئی اے ای اے ءِ جتا جتائیں پروگرام ءُُ چست ءُُ ایر آنی رد ءَ جوان ءُُ گہتریں ملک اِت۔ مزن وزیر ءَ آئی اے ای اے ءِ ڈائریکٹرجنرل ءَ را پاکستان ءَ ھاٹیگ ءِ دیمروئی دیگ ءِ منصوبگ ءُُ ساپیں گوات دوستیں ھاٹیگ ءِ وسیلگ ءَ انرجی مکس ءَ جوہری رسانک ءَ چہ پیداک چیز آنی ارزشت ءِ بابت ءَ بریفنگ دات ءُُ گوشت کہ جوہری رسانک ءَ چہ توان ءِ پیداوار آناں شاھیگانی دیگن ءِ واستہ پاکستان آئی اے ای اے ءِ کمک ءَ طلب گار اِنت۔ پاکستان ءَ وتی برجائی ءِ ساھت ءَ آئی اے ای اے ءِ ڈائریکٹرجنرل پاکستان ءَ جتا جتائیں سیولین چیز آنی پٹ کنگ ءُُ آسراتی آنی تر ءُُ تاب کت تانکی آ جان سلامتی، صنعت ، واٹرریسورس منیجمنٹ ، گوات ءِ ساپی ءُُ فوڈ سیفٹی ءَ ھوار جوہری ھاٹیگ ءِ ایمنی ءَ کارمری ءِ تد ءَ پاکستان ءِ کامیاتی آنی وت چار ءُُ تپاسی ءَ گپت کنت۔