پاکستان سعودی عرب ءِ گوما وتی یکوئی آناں سک باز ارزشت دنت، امام کعبہ ءِ پاکستان ءِ تر ءُُ تاب ءَ چہ دوئیں ملک آنی الس ءِ نیام ءَ نزیکیں ءُُ براتی یکوئی آناں گیش مھکمی رسیت
اسلام آباد ۔ 12 مارچ (اے پی پی) مزن وزیر شاہد خاقان عباسی ءَ گوشت کہ پاکستان سعودی عرب ءِ گوما یکوئی آناں سک باز ارزشت دنت، امام کعبہ ءِ تر ءُُ تاب ءِ پاکستان ءَ چہ دوئیں ملک آنی الس ءِ نیام ءَ نزیکیں ءُُ براتی گیش مھکم بنت۔ آئی ءَ اے ھیالانی درشانی آئی ءَ دو شمبے ءَ ادا مزن وزیر کارگس ءَ امام کعبہ الشیخ ڈاکٹر صالح بن محمد بن طالب ءَ گوں تران کنان ءَ گوشت۔ مزن وزیر ءَ مزن وزیر کارگس ءَ امام کعبہ ءَ را وش اتک کت۔ اے موہ ءِ سرءَ پاکستان ءَ سعودی عرب ءِ سفیر نواب سعید المالکی ءُُ ایندگہ سعودی کارندہ ھم آئی ءِ ھمبراہ اتنت وھدیکہ بُنجاھی وزیر مواصلات حافظ عبدالکریم، بُنجاھی وزیر نیک راھی کار سردار محمد یوسف، سینیٹر پروفیسر ساجد میر ءُُ ایندگہ کارندہ آئی ءِ ھمبراہ اتنت۔ مزن وزیر ءَ امام کعبہ ءِ تر ءُُ تاب ءِ پاکستان ءَ را وش اکت کنان ءَ گوشت کہ پاکستان ءِ الس آئی ءِ سک باز شرپ ءَ کن اَنت۔ امام کعبہ ءِ جوانیں وش اتکی کنان ءَ مزن وزیر ءُُ پاکستان ءِ حکومت ءِ شگر گپت ءُُ گوشت کہ سرجمیں امت ءِ مسلمہ پاکستان ءَ را وتی طاقت پھم اَنت۔ امت ءِ مسلمہ ءِ جیڈھ ءُُ جاور آنی بابت ءَ امام کعبہ ءَ پڑ ءَ ایمنی ءِ دیمروئی ءِ واستہ پاکستان ءِ کوشست آنی ساڑا کت ءُُ ناشرکاری ءِ ھوپ ءِ گر ءُُ دار ءِ واستہ حکومت ءِ کوشست ءُُ گامگیج آنی توسیپ کت۔ آئی ءَ پاکستان ءِ حکومت ءُُ الس ءِ واستہ نیکیں واھشت آنی درشان کت۔ مزن وزیر ءَ ھم وتی ءُُ پاکستانی الس ءِ نیمگ ءَ خادم الحرمین الشریفین شاہ سلمان بن عبدالعزیز، ولی عہد محمد بن سلمان، سعودی حکومت ءُُ سعودی عرب ءِ براتیں الس ءِ واستہ نیکیں واھشت آنی درشان کت۔
