پاکستان سعودی حکومت ءِ وژن 2030ءِ سرجمی ءَ کمک ءَ کنت، اے وژن ءَ چہ پڑ ءَ برجائی، معشیت مھکم بیت، سعودی عرب ءِ گوما پاکستان ءِ کمک مدام یک شل ءَ برجا مانیت، صدر ءِ مملکت ممنون حسین
پاکستان ءُُ سعودی عرب ءِ سیادی ایوک ءَ یک سفارتیگ ءِ نہ اِت بلکینگ ءَ ایمان ءِ رشتہ اِنت، پاکستان سعودی عربءِ طاقت اِنت، شیخ صالح بن محمد الطالب
اسلام آباد ۔ 12 مارچ (اے پی پی) صدر مملکت ممنون حسین ءِ عالم اسلام ءِ جتا جتائیں بھر آنی تہءَ بد امنی ءُُ نہ وشیں جاور آنی آماچیں الس ءِ کمک ءُُ برجائی ءِ واستہ یک جوانیں نظام ءِ پیش کتگ ءُُ گوشتگ اے رد ءَ پاکستان ءُُ سعودی عرب ءَ ھوار سرجمیں مسلمان آناں یکجائی ءَ کار کنگ لوٹ ایت، صدر ءِ مملکت ءَ اسلام فوبیا ءِ ھلاپ ءَ کار کنگ ءِ پد ءَ زور پر دات۔ صدر ءِ مملکت ءَ اے گپ امام کعبہ شیخ صالح بن محمد الطالب ءَ گوں گپ ءُُ تران کنان ءَ گوشت آئی ءَ ایوان ءِ صدر ءَ وتی گل ءِ ھمبراھی ءَ آئی ءَ گوں گند ءُُ نند کت۔ اے موہ ءِ سرءَ بُنجاھی وزیر نیک راھی کار سردار محمد یوسف، بُنجاھی وزیر مواصلات عبدالکریم، سینیٹر ساجد میر ءُُ سعودی سفیر نواف بن سعید المالکی ھم اے موہ ءِ سرءَ ساڑی اَت۔ صدر ءِ مملکت ءَ گوشت کہ پاکستان ءُُ سعودی عرب تامیں میاں اوستمانی دمگی کار یکیں رنگ ءِ براھ ءَ دینت ءُُ میاں اوستمانی فورم آنی تہءَ یک ءِ دومیگ ءِ گوما جوانیں کمک کن اَنت۔ صدر ءِ مملکت ءَ گوشت کہ سعودی حج ءُُ امبرہ ءِ واستہ ھمک سال جوانیں انتظامی کن اَنت ایشی ءِ واستہ من پاکستانی الس ءُُ میاں اوستمانی مسلمان ءِ نیمگ ءَ شگر ادا کن اَنت۔ صدر ءِ مملکت ءَ گوشت کہ پاکستان سعودی حکومت ءِ وژن 2030 سرجمی ءَ کمک ءَ کنت ایشی ءَ چہ دمگ ءَ برجائی پیداک بیت ءُُ معشیت مھکم بیت۔ آئی ءَ گوشت کہ گوستگیں سال ءِ ساھت ءَ دُگنیا ءَ سلام ءِ فوبیا پیداک بوتگ ایش گواچنی اِت۔ منا وشی اِنت کہ اسلام ءِ ھلاپ ءَ اے سسا ءِ ھلاسی ء، واستہ پاکستان ءُُ سعودی عرب یکجائی ءَ کار کنگ ءَ انت۔ صدر ءِ مملکت ءَ اے موہ ءِ سر ءَ سعودی عرب ءِ فرمان را شاہ سلمان بن عبدالعزیز، ولی عہد محمد بن سلمان ءُُ سعودی الس ءِ واستہ نیکیں واھگ آنی کلوہ دات۔ امام کعبہ ءَ اے موہ ءِ سرءَ پاکستان ءُُ سعودی عرب ءِ سیادی ایوک ءَ سفارتی نہ انت بلکینگ ءَ ایمان ءِ سیادی اَنت ءُُ پاکستان سعودی عرب ءِ ھاٹیگ اِنت، دوئیں ملک آنی مول ءُُ مراد یک رنگیں اَنت۔ پاکستان ءُُ سعودی عرب عالم اسلام ءِ ٹوھیں طاقت انت ایشانی سروکی ءِ سرءَ مارا سرجمیں ءَ دل یکیمی اِنت، امام کعبہ ءَ گوشت کہ میاں اوستمانی مسلمان آنی یکوئی ءُُ ایندگہ جیڈھ آناں گیواری ءِ واستہ ایشانی شور ءُُ سلاھ ءَ چہ سعودی عرب ءُُ آ وت سرجمی ءَ چہ دل یکیم اِنت۔
