اسلام آباد۔ 10 مارچ (اے پی پی) مزن وزیر شاہد خاقان عباسی ءَ گوشت کہ تربیلا شاھیگانی منصوبگ حکومت ءِ کوشست آنی سبب ءَ وھد ءُُ پاس ءِ توک ءَ سرجم بوتگ۔ میا اوستمانی بینک ءِ کمک ءَ منصوبگ سرجم بوتگ، ما جرمنی ءِ کنٹریکٹرز، برطانیہ ءِ کنسلٹنٹ، چین ءِ کنٹریکٹرز ءُُ ترکی ءِ کلانہ آنی کمک ءَ 470میگاواٹ منصوبگ وھد ءُُ پاس ءِ تہ ءَ سرجم کتگ۔ جون ءَ تاں 1410میگاواٹ ءِ منصوبگ سرجم کن آں۔ ھرچی ھاٹیگ ملکی ضلورت ءَ را وھد ءُُ پاس ءِ تہ ءَ سرجم کنگ ءَ کمکار سہرا بنت۔ ایشی ءَ چہ ناں ایوک ءَ جوانیں وھد ءُ پاس ءِ تہ ءَ توان ءِ ضلورت سرجم بنت بلکینگ ءَ سستائیں ءُُ چاگرد ءِ واستہ جوانیں توان پُجارین اَنت۔ اے ھیالانی درشانی آئی ءَ شمبے ءِ روچ ءَ تربیلا ءِ شاھیگانی منصوبگ ءِ اولی یونٹ ءِ بنگیج ءِ موہ ءَ مراگش ءَ گشتانک دیان ءَ کت۔ مزن وزیر شاہد خاقان عباسی ءَ گوشت کہ منصوبگ ءِ سرجمی ءَ چہ ملین ٹنز فرنس آئی ءِ بچت بیت، حکومت اشکر ءِ منصوبگ آں ھوار ساپیں ھاٹیگ ءِ منصوبگ آنی سرءَ دلگوشی دیگ ءَ اِنت۔ حکومت اے رد ءَ وتی زمہ واری پیول کنگ ءَ اِنت تانکہ گوات ءِ ساپی گیش بہ بیت۔ آئی ءَ گوشت کہ اے یک ٹوھیں منصوبگ اِت، اے رد ءَ میاں اوستمانی بینک ءِ شگر ءُُ منت وار آں، اولی رند ءَ ملک ءَ وزارت ءِ آپ جوڑ کنگ بوتگ تانکہ آپ ءِ جیڈھ آناں گیوار کنگ بہ بیت۔
