اسلام آباد۔ 9 مارچ (اے پی پی) صدر مملکت ممنون حسین ءَ گوشت کہ جمہوریت ءِ برجائی ءِ واستہ توامیں سیاسی شریکدار ءُُ راجی ادارگ آنی نیام ءَ ٹوھیں تپاکی ءُُ نظام ءِ رکھینگ ءِ واستہ کانودی زامنی المی اِنت۔ اے رد ءَ ایوان ءِ صدر ءَ توامیں ضلوری آسراتی پُجارین ایت۔ صدر ءِ مملکت ءَ اے گپ آدینگ ءِ روچ ءَ سینیٹ ءِ نیم باسک آنی وھد ءُُ پاس ءِ سرجم بوھگ ءِ پد ءَ آواناں بروپہ ھیری ءِ گشتانک دات۔ اے موہ ءِ سرءَ چیئرمین سینیٹ میاں رضا ربانی، اسپیکر قومی اسمبلی سردار ایاز صادق، ڈپٹی چیئرمین سینیٹ مولانا عبدالغفور حیدری، ایوان ءِ سروک راجہ ظفرالحق ءُُ بُکگ جنوک آنی سروک اعتزازاحسن ءَ ھم گشتانک دات۔ صدر ءِ مملکت ءَ اے موہ ءِ سر ءَ سینیٹ ءِ کرد ءِ بابت ءَ کتابءِ نویسگ ءِ بنگیج ھم کت۔ صدر ءِ مملکت ءَ گوشت کہ پارلیمنٹ کاروبارِ مملکت ءِ حکم ءِ پیلو کنگ ، حکومت ءِ کشک ءِ گچین ءُُ کارد ءِ سر ءَ نگاہ ایر کنگ ءِ دُرستاں چہ مستریں ادارگ اِنت ایشی ءِ دیم ءَ ریاست ءِ توامیں ادارگ پسو دیوک اَنت، انوں زوتاں لستیں جوانیں ندارگ چارگ ءَ رستگ اَنت۔
