اسلام آباد ۔ 9 مارچ (اے پی پی) مسلم لیگ (ن) ءِ راھشون ءُُ باسک بنجاہی اسمبلی ملک ابرار ءَ گوشت کہ سی پیک منصوبگ ءِ آسر ءَ ملک ءِ تہ دیمروئی ءُُ وشھالی ءِ نوکیں دور ءِ بنگجی بیت۔ گوستگیں حکومت ءَ چہ مسلم لیگ (ن) ءِ کارکردگی باز گہتر انت۔ جمعہ ءَ پارلیمنٹ ہاؤسءِ دیما میڈیا ءَ گوں گپ ءُُ تران کنان ءَ آہاں گوشت کہ پیسریگیں مزن وزیر محمد نواز شریف ءِ وژن ءِ ردا سی پیک منصوبگ ءِ آسر ءَ ملک ءِ تہ دیمروئی ءُُ وشھالی ءِ نوکیں دور ءِ بنداتی بوتگ۔ 2013ءَ چہ 2018تاں استیں سرکارءِ سہروکیں دور ات،اگہ ایشی مقابلہ پیسریگیں حکومتاں گوں کنگ بیت تو اے دور ءَ ناشرکاری ءِ ھلاسی بوتگ، ملک ءِ تہ ھاٹیگ ءِ گرودار ءِ ھاترا ھاٹیگ ءِ منصوبگ آنی سرا ھنگامی بنیاتاں کار کنگ بوتگ ایشی ءِ سبب ءَ مروچی لوڈشیڈنگ باز کم بوتگ۔ملک ابرارءَ گوشت کہ ملک ءِ تہ تعلیمی گہترکاری ءِ بنگجی کنگ بوتگ۔ایشی ءَ چہ نودربران تعلیم ءِ زورگ ءَ جنجال ھلاس بوتگ۔
