اسلام آباد ۔ 9 مارچ (اے پی پی) ڈنی کارانی بنجاہی وزیر خواجہ محمد آصف ءَ راجی اسمبلی ءَ را سرپد کت کہ سعودی عرب ءِ ھوار سرجمیں دگنیا ءِ تہ نندوکیں پاکستانیانی فلاح ءُُ گہبود ءُُ جیڈھ آنی گیش ءُُ گیواری ءِ ھاترا گامگیج زورگ بوھگ انت۔ایشاں پہ کمیونٹی ویلفیئرءِ کارگس ءِ کساس ءَ ھم گیشی ءِ ھوار اتاشی آنی بود ھم گیش کنگ ءِ ھوالہ ءَ چہ جوانیں گامگیج زورگ بوھگ انت۔جمعہ ءَ راجی اسمبلی ءَ محمود خان اچکزئیءِ دلگوشی دیگ ءِ نوٹس ءِ پسو ءَ ڈنی کارانی وزیرءَ گوشت کہ راجی اسمبلی اوورسیز پاکستانیانی درستاں چہ گیش کساس سعودی عرب ءَ نندوک انت،ایشانی کساس 20ءَ چہ 23لکھ انت ،اے حساب ءَ گوں اُودا پاکستانیانی بندیگ آنی کساس ھم گیش انت۔لہتیں بندیگ آنی کساس ویزہ ءِ مدسرجم ءُُ اوور اسٹے ءِ سبب ءَ بندیگ جاء ءَ کیز انت۔اودا اے رنگیں مردم کمیں انت کہ ہمہ کہ نشہ ءُُ دگہ ڈوھ ءَ ھوار انت۔ آہاں گوشت کہ سعودی عرب ءِ تہ کمیونٹی ویلفیئر کارگس کمیں انت مہ ایشانی کساس ءَ گیش کنگ ءِ جہد کنگ انت۔آہاں گوشت کہ مہ جندی بستار ءَ یک ماہ ءِ پیسر ءَ سعودی ڈنی کارآنی وزیر ءَ گوں پاکستانیانی جیڈھ آنی باروا گپ جت۔اُودا ویزہ فیس گیش بوتگ اے وڈ ءَ وزٹ ویزہ فیس ھم گیش انت۔آہاں گوشت کہ اگہ اے مردم وتن ءَ واتر اتکگ انت تو سعودی عربءِ معیشتءِ سرا اثر کپیت۔
