اسلام آباد ۔ 9 مارچ (اے پی پی) ڈنی کارگس ءِ سیکرٹری تہمینہ جنجوعہءَ گوشت کہ پاکستان دمگ ءِ دیمروئی ءُُ ایمنی ءِ ھاترا امریکا ءَ گوں وتی دراجیں وھد ءِ سیادی ءَ گیش مھکم کنگ ءِ واھشت مند انت۔آہاں اے ھیالانی درشان وتی 7ءُُ 8مارچ ءَ کتگیں امریکی تروتابءِ ساعت ءَ نائب امریکی ڈنی کارانی وزیر جان سلوین ءُُ وائٹ ہاوس ءِ تہ امریکی نائب مشیر برائے نیشنل سیکیورٹی ڈاکٹر نادیہ سچدلو ءَ گوں گند ءُُ نند کتگ انت۔ تہمینہ جنجوعہءَ امریکن انسٹیٹیوٹ آف پیس ءِ تہ زرباری ایشیاء ءِ باروا زانتکارءُُ امریکی رسانکدرءِ جھگیراں گوں سرجمیں گپ ءُُ تران کتگ۔آہاں گوشت کہ وت مہ وتی کمک ءَ ھوار سوگو پاک امریکا سیادی دمگ ءِ ھاترا دراھیں جیڈھ آنی ھلاسی ءِ ھاترا کمکار پدر بیت۔ڈنی کارگس ءِ کارگشاد ءَ دمگ ءِ تہ سوگو ایمنی ءُُ گھبودی ءِ ھاترا پاکستان ءِ مثبت ءُُ تعمیری سوچ ءِ درشان کتگ۔آہاں گوشت کہ دوئیں ملکانی اقتصادی رھوت ءِ گہتریں استواری ءُُ ایشی ءِ تہ ودکی ءَ چہ دوئیں ملکانی مھلوک ءِ میان ءَ سیادی ءِ نوکیں باب رقم بیت ءُُ وت مہ وتی سیادی ءَ را ودکی رسیت ءُُ اے دراجیں کمک ءَ چہ دیمرئی ءِ ھاترا تاک پچ بنت
