اسلام آباد۔08مارچ(اے پی پی ) اسلام آباد ءَ کم اُمبرزھگانی ملازمتءِ ھوالگءَ ھمگرنچیں بل 2017، سینیٹ ءِ سلیکٹ کمیٹی ءِ دیوان باسکانی کساس کم بوھگءِ سوبءَ مھتل ، بل واتر ایوا ن ءَ پیش کنگ بیت ۔ پنچ شمبے ءِ روچءَ سلیکٹ کمیٹی ءِ دیوان مزن گسءَ بوتگ دیوانءِ تہا چیئرمین کمیٹی سینیٹر میر کبیر احمد شاہی ءَ گشتگ کہ زھگاں چہ کار گرگ ءِ سرءَ بندش بل 2017سک باز ارزشت داریت۔ سرجمیں ملک ءَ ءُ ھاس پنجاپءِ شہرآں زھگانی گوما گیش بوتگیں بے پردگی ءَ چہ سک باز تکانسری اِنت۔ زھگاں چہ کار گرگءَ چہ بندش جنگ ءُ بے شرپی ءَ چہ رکھینگءِ ھاترءَ کمیٹی جوڈ کنگ بوتگ۔ کمیٹی ءِ سئیں دیوانانی تہا باسکانی کساس کم بوھگءِ سوبءَ بل منظور نہ بوتگ۔ چیئرمین کمیٹی ءَ گشتگ کہ بل واتر ایوانءَ پیش کنگ بیت۔ آئیءَ گشتگ کہ بل ءِ ھوالگءَ نوں پیسلہ ایوان کنت۔ کمیٹی ءِ دیوانءَ سینیٹر سسی پلیجو ھوار بوتگ۔
