اسلام آباد۔ 8 مارچ (اے پی پی) صدر مملکت ممنون حسین ءَ گوشت کہ ملک ءِ دیمروئی ءُُ وشھالی الس ءِ گہبود ءَ جوان اِنت ، بزگری ءِ ھلاسی ءِ کوشست ءَ چہ زالبول آناں روزگار دیگ ءُُ وت مستر کنگ ءِ نیمگ ءَ گیش ترندی بیت، حکومت لوٹ ایت کہ ریاست ءِ ھمک مردم وتی ازم ءِ رد ءَ وتی کوشست آنی تہ ءَ شریک بہ بنت، بی آئی ایس پی ءِ نیشنل سوشیو اکنامک رجسٹری پروگرام ءِ چیر دستی ءَ سیادی داروکیں ادارگ گیش آسراتی ءُُ ساپی ءَ گوں چاگرد ءِ بزگر یں ھاندان آں تاں پُجاری بہ بیت ایشی ءَ چہ بزگری ءِ ھلاسی ءِ کوشست گیش بزانت بلد ءُُ نتیجگی بنت، آ پنچ شمبے ءِ روچ ءَ ادا بے نظیر انکم سپورٹ پروگرام ءِ چیر دستی ءَ نیشنل سوشییو اکنامک رجسٹری پروگرام ءِ بنگیجی مراگش ءَ گشتانک دیگ ءَ اَت۔ چیئرپرسن بی آئی ایس پی ماروی میمن ءُُ بُنجاھی سیکرٹری عمر حمید خان ءَ ھم مراگش ءَ گشتانک دات وھدیکہ بُنجاھی وزیر ءُُ پارلیمنٹءِ باسک آں جتا جتائیں ملک آنی سفارتکار ءُُ ٹوھیں بامرد آں مراگش ءَ ساڑی اتنت۔
