اسلام آباد۔ 8 مارچ (اے پی پی) مزن وزیرشاہد خاقان عباسی ءَ گوشت کہ بُنجاھی حکومت ءَ بلوچستان ءُُ صوبگ ءِ الس ءِ دیمروئی ءُُ وشھالی ءَ را مدام اولی سر کتگ، مزن وزیر ءَ اے گپ مرچی پنچ شمبے ءِ روچ ءَ مزن وزیر کارگس ءَ کیڈٹ کالج مستونگ بلوچستان ءِ نودربر آنی ڈل ءَ گوں گند ءُُ نند ءِ ساھت ءَ گوشت اَنت۔ مزن وزیر ءَ نودربر آں گوں تران کنان ءَ گوشت کہ ھژدھمی مٹ ءُُ بدلی ءَ پد السی ازمت آنی گیشتریں ادارگ صوبگ آنی تہ ءَ مٹ بوتگ اَنت پدا ھم ایشی ءَ ابید بُنجاھی حکومت ءَ مدام صوبگ ءُُ ایشی ءِ الس آنی دیمروئی ءَ را ارزشت داتگ۔ مزن وزیر ءَ گوشت کہ بلوچستان ٹیل ءُُ گیس ‘ معدنیات ‘ گران بھائیں مڈی ءُُ تیاب ءُُ دکہ آں ھوار ھُدا وندی ٹوھیں امبار آں چہ مالا مال اِنت ءُُ زوت ایش دُرستاں چہ گیش دیمروئی کنوکیں دمگ جوڑ بیت۔
