اسلام آباد۔ 8 مارچ (اے پی پی)صدر ممنون حسین ءَ گوشت کہ پاکستان ءِ روایتی وشکند استیں وھد ءِ ضلورت ءُُ لوٹ اِنتءُُ حکومت ایش کوھنیں دود ءُُ ربیدگی مڈی ءِ سروکی ءَ مدام جاڑی دار ایت۔ آئی ءَ اے ھیالانی درشانی پنچ شمبے ءِ روچ ءَ مشیر برائے راجی راجدپتر ءُُ ادبی مڈی عرفان صدیقی ءَ گوں گند ءُُ نند ءِ ساھت ءَ کت اَنت۔ گند ءُُ نند ءَ کلانہ ایں وش نویس اشرف ہیرا ءُُ آرٹسٹ وقاص احمد شائق ھم ساڑی اَت۔ اے موہ ءَ آرٹسٹ وقاص احمد شائق ءَ صدر مملکت ءَ را قائداعظم ءِ بے دروریں اکس ھم پیش کت۔ صدر ممنون حسین ءَ گوشت کہ پاکستان ءَ وش نویسی ءُُ ایندگہ وشکندی ءِ بابت ءَ ورنا آنی مزنیں کساس ءِ واھگ دار ایت ایوک ءَ اے گواچنی نہ اِنت کہ مئے ورنا وتی دود ءُُ ربیدگی مڈی آں گوں واھگ دار ایت بلکینگ ءَ ایشی ءَ چہ اے سہرا بیت یکہ آیوکیں روچ ءَ ناں ایوک ءَ مئے تہذیبی شرپ ءِ واستہ راجی دیمروئی ءُُ راجی ازت ءِ تہ ءَ گیشی ءِ وسیلگ جوڑ بنت۔
