نیول چیف ایڈمرل ظفر محمود عباسی ءَ گوں اٹالین نیوی ءِ سروک ایڈمرل والٹرگیراڈلی ءِ گند ءُُ نند
کزبی کار ءُُ دو نیمگی زرّئی شریکی آنی سرءَ ھیال ریچی کنگ بوت
اسلام آباد ۔ 7 مارچ (اے پی پی)اٹالین نیوی ءِ سروک ایڈمرل والٹرگیراڈلیءَ نیول ہیڈ کوارٹرزاسلام آباد ءِ تر ءُُ تاب کت ءُُ پاک بحریہ ءِ سروک ایڈمرل ظفر محمود عباسی ءَ گوں گند ءُُ نند کت۔ جارچین پاک بحریہ ءِ رد ءَ نیول ھیڈ کوارٹر ءَ آیگ ءِ پد ءَ پاک بحریہ ءِ سروک ءَ اٹالین نیوی ءِ سروک ءَ را وش اتک کت۔ پاک بحریہ ءِ ورنا آں شرپ مندیں مہمان آناں سلامی پیش کت۔ سلامی ءَ پد شرپ مندیں مہمان آں نیول ھیڈ کوار ٹرز ءَ استیں پرنسپل سٹاف آفیسر آں گوں پجار کنائینت۔ ایشی ءَ پد۔ اٹالین نیوی ءِ سروک ایڈمرل والٹر گیراڈلی ءَ پاک بحریہ ءِ سروک ءَ گوں گند ءُُ نند کت۔ گند ءُُ نند ءِ ساھت ءَ کزبی کار ءُُ دو نیمگی زرّئی شریکی آنی بابت ءَ ھیال ریچی کنگ بوت۔ دوئیں ملک آنی زرّی ارد آنی نیام ءَ کمک ءِ جتا جتائیں شوبگ اآنی سر ءَ چار ءُُ بچار کنگ بوت۔ پاک بحریہ ءِ سروک ایڈمرل ظفر محمود عباسی ءَ ناشرکاری ءِ ھلاپ ءَ جنگ ءَ پاکستان ءِ جزم ءُُ کرد ھاسیں رنگ ءَ کولیشن میری ٹائم کمپین پلان ءُُ تیابی ڈُنگی ءِ گر ءُُ دار ءِ آپریشنز آنی تہ ءَ پاک بحریہ ءِ شریکداری ءِ سرءَ چمشانک دات۔ ایڈمرل والٹرگیراڈلی ءَ پڑ ءَ آپی ایمنی ءُُ برجائی ءِ رد ءَ پاک بحریہ ءِ کرد ءُُ ازمت آناں ساڑات۔ گند ءُُ نند ءَ پد دمگی جیڈھ آنی ھوالگ ءَ پاک بحریہ ءِ لیکہ ءُُ ’’بحرِ ہند‘‘ ءَ ایمنی ءُُ برجائی ءَ پاک بحریہ ءِ کرد ءِ بابت ءَ شرپ مندیں مہمان آناں سرجمیں بریفنگ ءِ دیگ ھم بوت۔ ایشی ءَ پد اٹالین نیول چیف ءَ نیول ھیڈ کوارٹر اسلام آباد ءَ یاتگیرءِ شہید آنی سرءَ پُل آنی چادر ءِ پر دات۔ تر ءُُ تاب ءِ دومی بھر ءَ ایڈمرل والٹرگیراڈلی کراچی ءَ نیول فیلڈ کمانڈز ءِ تر ءُُ تاب ءَ کنت گوں۔ اٹالین نیول چیف ءِ ایش تر ءُُ تاب دوئیں ملک آنی زرّئی اُرد آنی نیام ءَ وت مہ وتی یکوئی ءَ گیش برجائی ءِ سبب جوڑ بیت۔
