جدیدیں چُکءُ ماتی جان ءُ سلامتی بنجاھءِ جوڈ کنگ، جنوبی پنجاپ نیزگاری ءِ ھوالگءَ منصوبہ ءُ ر ا ولپنڈی۔ کہوٹہ روڈ ءَ را دو کشک کنگءَ ھوار دگہ بازیں منصوبہ جاتءِ منظوری
اسلام آباد۔07مارچ(اے پی پی)راجی سلامتی کونسل ءِ انتظامی کمیٹی ( ایکنک) ءِ مزن وزیرءِ چیردستی ءَ دیوان، راولپنڈی ءَ 200نپادانی جدیدیں چُکءُ ماتی جان ءُ سلامتی بنجاھءِ جوڈ کنگ، جنوبی پنجاپ نیزگاری ءِ ھوالگءَ منصوبہ ءُ ر ا ولپنڈی۔ کہوٹہ روڈ ءَ را دو کشک کنگءَ ھوار دگہ بازیں منصوبہ جاتءِ منظوری دیئگ بوتگ۔ ایکنک ءَ 11638ملین کلدار ءِ ھرچءَ چہ این ٹی ڈی سی ءِ ٹیلی کمیونیکشن ءُ ایس سی اے ڈی اے نظام ءِ گہتری ءِ منظوری داتگ۔ راولپنڈی ءِ تہا 5301.41ملین کلدارءِ ھرچءَ چہ نظرثانی شدہ اوبسٹیٹریکسءُ گائنا کالوجی ءِ ھاترءَ200نپادانی سینٹر فار ایکسیلینسءِ جو ڈ کنگءِ منظوری ھم دیئگ بوتگ۔ ایکنک ءَ آئی ایف اے ڈی ءِ کمک ءَ چہ 7565.78ملین کلدارءِ ھرچءَ چہ ( نظر ثانی شدہ۔II-) جنوبی پنجاپ ءَ نیزگاری ھلاس کنگءِ منصوبہ ءَ ھم منظوری داتگ اے منصوبہ ءِ مول ءُ مراد جنوبی پنجاپ ءِ اُلس ءِ ھاترءَ زالبولانی سرءَ دلگوشی کنگ ءُ لوگی آمد ءِ تہا گیشی، روزگارءِ موھ پھجارینگ، کسبی ءُ بیپاری تربیت ءِ پھجارینگ ءَ ھوار کم ھرچ ءِ لوگءُ جاگہ ءُ کمیونٹی انفراسٹرکچر ءِ دیمروئی اِنت۔ دیوانءَ 4874.225 ملین کلدارءِ ھرچءَ چہ ڈیرہ غازی خان ءِ 18.9کلومیٹر ءِ نادران بائی پاس ءِ تعمیرءِ ھم منظوری داتگ۔ ایکنک ءَ 16755.5 ملین کلدارءِ ءَ چہ 153کلومیٹر دراج چترال ۔ بومی۔ مستوج۔ شندور روڈ ءِ گہتری ءُ مزن کنگءِ ھم منظوری داتگ۔ دیوان ءَ 13012.13ملین کلدارءِ ھرچءَ چہ سہالہ ریلوے پاس، سہالہ بائی پاس ءُ کہوٹہ بائی پاس ءِ سرءَ 4لین ءِ پلءَ ھوار 28.4کلومیٹر ءِ راولپنڈی۔ کہوٹہ ءَ را دو راھ کنگءِ ھاترءَ تعمیر ، زمین ، آماچ بوتگیں مڈی آنی ملامءُ یوٹیلٹیز ءَ نوک سر ٹھینگءِ ھم منظوری داتگ۔ بلوچستان ءَ را پنجاپ ءَ گوں ھمدپ کنگءِ مول ءُ مراد ءَ 8379.075 ملین کلدارءِ ھرچ ءَ چہ زیارت موڑ۔کچھ۔ ہرنائی روڈ(107.2کلومیٹر) ءُ ہرنائی۔سنجاوی روڈ(55.1کلومیٹر) ءِ ھم منظوری داتگ۔ ایکنکءَ 12606.62ملین کلدار ءَ چہ 120.12کلومیٹر ءِ ایچ فیز1سی پیک نظر ثانی شدہ ( حویلیاں ۔تھاہ کوٹ) منصوبہ ءِ ھاترءَ زمین ءِ ھاترءَ ، آماچ بوتگیں مڈی آنی ملام ءُ یوٹیلیٹیز ءَ دومی جاگہ برگءِ ھم منظوری داتگ۔
