اسلام آباد ۔ 7 مارچ (اے پی پی) مسلم لیگ (ن) ءِ سروک ءُُ پیسریگیں مزن وزیر محمد نواز شریف ءَ گوں چار شمبے ءِ روچ ءَ جمعیت علماء اسلام (ف) ءِ امیر مولانا فضل الرحمن ءُُ پختونخوا ملی عوامی پارٹی ءِ سروک محمود خان اچکزئی ءَ گند ءُُ نند کت۔ گند ءُُ نند ءَ سینیٹ ءِ چیئرمین ءِ گچین کاری ءِ بابت ءَ شور ءُُ سلاھ کنگ بوت۔ اے موہ ءِ سرءَ بُنجاھی وزیر ءَ ھوار مسلم لیگ (ن) ءِ ایندگر سروک ساڑی اتنت۔ بُنجاھی وزیر ریل گاڑی خواجہ سعد رفیق ءَ ھال رسانکی در آنی سروک آں گوں تران کنان ءَ گوشت کہ مسلم لیگ (ن) ءِ نیمگ ءَ انوگ ءَ تاں چیئرمین سینیٹ ءِ گچین ءِ واستہ کجام ھم نام ءَ را پکوئیں رنگ نہ داتگ۔ آئی ءَ گوشت کہ یک مردم ءِ ایوک ءَ سینیٹ ءِ گچین کاری ءِ بابت ءَ مزنیں چست ءُُ ایر ءِ کنگ ءَ اِنت۔ سینیٹ ءِ گچین کاری ءَ ہارس ٹریڈنگ ءِ شکاست آنی پیلو کنگ ءِ واستہ سیادی داروکییں فورم ءَ نوٹس زورگ لوٹ ایت۔
