اسلام آباد۔ 7 مارچ (اے پی پی) قومی اقتصادی کونسل ءِ انتظامی کمیٹی (ایکنک ) ءَ راولپنڈی ءَ 200نپاد آنی نوکیں چُک ءُُ ماتی جان سلامتی بُنجاھ ءِ جوڑ شت، زرّباری پنجاپ بزگری ءَ را ھلاس کنگ ءِ منصوبگ ءُُ راولپنڈی۔ کہوٹہ روڈ ءَ را دو کشک جوڑ کنگ ءَ ھوار بازیں منصوبگ آنی منظوری دات۔ قومی اقتصادی کونسل ءِ انتظامی کمیٹی (ایکنک )ءِ دیوان چار شمبے ءَ مزن وزیر شاہد خاقان عباسی ءِ سروکی ءَ مزن وزیر کارگس ءَ برجم دارگ بوت۔ ایکنک ءَ 11638ملین کلدار ءِ ھواریں کچ ءُُ کساس ءَ چہ این ٹی ڈی سی ءِ ٹیلی کمیونیکیشن ءُُ ایس سی اے ڈی اے نظام ءِ گہتری ءُُ شاھیگانی ءِ منظوری دات۔ راولپنڈی ءَ 5301.41 ملین ءِ کساس ءَ چار ءُُ بچار بوتگیں اوبسٹیٹریکس ءُُ گائناکالوجی ءِ واستہ 200تھت آنی سینٹر فار ایکسیلینس ءِ جوڑ شت ءِ منظوری ھم دیگ بوت۔ ایکنک ءَ آئی ایف اے ڈی ءِ کمک ءَ 7565.78ملین کلدار ءِ ھواریں کچ ءُُ کساس ءَ چہ (چار ءُُ بچار بوتگیں II۔) زرّباری پنجاپ بزگری ءِ ھلاس کنگ ءِ منصوبگ ءَ را منظوری دات اے منصوبگ ءِ مول ءُُ مراد زرّباری پنجاپ ءِ الس آنی واستہ زالبول آنی سر ءَ دلگوشی دیان ءَ لوگی آمدنی ءِ تہ ءَ گیشی۔ روزگار ءِ موہ پُجارینگ، کزبی کاروبار ءِ ھیل کاری پُجارینگ ءَ ھوار کمو ھرچ ءُُ درچی گس ءُُ کمیونٹی انفراسٹرکچر ءِ دیمروئی اِنت۔
