مہ ایوان بالاءَ وتی گل ءِ چیئرمین آرگ ءِ ھاترءَ اوست مند اَنت، ڈاکٹر مصدق ملک

اسلام آباد۔06مارچ (اے پی پی ) مزن وزیر ءِ صلہ کار ڈاکٹر مصدق ملک ءَ گشتگ کہ پاکستان مسلم لیگ(ن) سینیٹ ءِ تہا یک مزنیں سیاسی گلے بوتگءُ دیمءَ اَتکگ ایشیءِ سوبءَ چہ مہ ایوان بالاءَ وتی چیئرمین ءِ ارگ ءَ اوست مند اَنت۔ گوستگیں روچ ءَ پاکستان ٹیلی ویژن ءَ گوں گپءُ تران کنانءَ آئیءَ گشتگ کہ بانداتءَ ہارس ٹریڈنگ ءَ را دارگ ءِ ھاترءَ سینیٹ ءِ گچین کاری ءِ وڈءُ پیم مٹ کنگ لوٹ ایت۔ آئی ءَ گشتگ کہ پاکستان مسلم لیگ(ن) دومی ءَ را ایر جنگءِ بدل ءَ کانود ساچگءِ سرءَ دلگوشی کنگ لوٹ ایت۔ آئی ءَ گیش گشتگ کہ مئے گل ءُ مئے قیادت ءَ ر ا ہارس ٹریڈنگ ءُ کرپشن ءِ سرءَ اوست نیست۔ یک جستے ءِ پسوءَ آئی ءَ گشتگ کہ بلوچستان ءِ نوک گچین بوتگیں سینیٹرز ءَ را پیسلہ کنگءِ ھک اَست کہ آ کجام سیاسی گل ءِ تہا ھوار بہ بنت۔