اسلام آباد ۔ 6 مارچ (اے پی پی) بنجاہی وزیربرائے اُمور کشمیر و گلگت بلتستان چوہدری محمدبرجیس طاہر ءَ زورگپتگیں کشمیر ءِ دمگ شوپیاں ءِ تہ پھارتی پوج ءِ نیمگا چہ جندی گاڈی ءِ سرا تیرکاری کنان ءَ لہتیں مردماں را شہید کنگ ءِ واکیہ ءِ ترندیں لبزاں ایر جتگ۔زورگپتگیں کشمیر ءِ دمگ شوپیاں ءِ تہ بھارتی پوج ءِ نیمگا چہ جندی گاڈی ءِ سرا تیرکاری ءِ واکیہ ءِ ترندیں لبزاں ایر جنان ءَ گوشت کہ زورگپتگیں کشمیر ءِ تہ بھارتی پوج ءِ نیمگا چہ اژم گیری ءَ روچاں روچ ودکی آھگ انت۔زورگپتگیں کشمیر ءَ ورناہانی ھون ریچی کنگ بوھگ انت۔سئے شمبے ءَ ادا چہ جاڑی بیان ءِ تہ آہاں گوشت کہ بھارتی سرکار ءُُ زالم پوج زورگپتگیں کشمیرءُُ لائن آف کنٹرولءَ بے ڈوہیں کشمیری ورناء ،زھگ ءُُ پیرینان شہید کنگ انت چہ ایشی ءَ میاں اوستمانی براھندگی ءُُ اقوام متحدہ ءِ ھاموشی ایشانی بے حسی ءَ پدر کنگ انت۔چوہدری محمدبرجیس طاہرءَ میاں اوستمانی براھندگی ءَ چہ دزبندی کت کہ میاں اوستمانی لکھاں کشمیرآنی شہادت ءُُ سکیں انسانی حقانی پادمالی ءِ ابید کجام واکیہ ءِ انتظار کنگ انت وھدیکہ آں اے کوھنیں جیڈھ ءِ گیش ءُُ گیواری ءِ ھاترا وتی گہتریں کرد پیلو کنت۔آہاں گوشت کہ ایل او سی ءِ آں نیمگا پاکستانی ءُُ کشمیری راج بھارتی اژم گیری ءِ دلبڈی ءُُ پُر جزمیں وڈ ءَ مقابلہ کنگ انت ءُُ دیما ھم کن انت ءُُ کجام ھم بھارتی اژم گیری ءِ دیم پروشیں پسو دیگ بیت۔آہاں گوشت کہ پاکستانی حکومت ءُُ راج وتی کشمیری براتانی دراھیں جاور ءَ سیاسی ،سفارتی ءُُ اخلاقی پلہ مرزی کنت ءُُ زوت زورگپتگیں وادی ءِ تہ آجوئی ءِ روچ کئیت
