پاکستان ءُُ سعودی عربءِ سنگتی سرجمیں دگنیا ءِ ھاترا مثال انت
سعودی سفیر نواف سعید المالکی ءِ انٹرنیشنل اسلامی ریلیف آرگنائزیشن ءِ چیر دستی آزات کشمیر ءُُ تھر ءِ ھاترا کمکی چیزروان کنگ ءِ مراگش ءَ گوں گوشتانک
ڈپٹی چیئرمین سینیٹ مولانا غفور حیدری،مزن وزیر ءِ صلاحکار مہتاب عباسی ءَ ھم تران کت انت
اسلام آباد ۔ 6 مارچ (اے پی پی) پاکستان ءِ تہ داشتگیں سعودی عربءِ سفیرنواف سعید المالکی ءَ گوشت کہ سعودی عرب پاکستانءَ گوں اوشتاتگ انت ءُُ دوئیں ملکانی سنگتی سرجمیں دگنیا ءِ ھاترا مثال انت۔اے ھیالانی درشان آہاں سئے شمبے ءَ ادا انٹرنیشنل اسلامی ریلیف آرگنائزیشن ءِ چیر دستی آزات کشمیر ءُُ تھر ءِ حقدارءِ کہول آنی ھاترا کمکی چیز روان کنگ ءِ مراگش ءَ گوں گوشتانک ءِ ساعت ءَ کتگ انت۔اے درگت ءَ آزات کشمیر ءُُ تھر ءِ ھقدار ءِ کہول آنی ھاترا کمکی چیزاں ھوار 14ٹرک روان کتگ انت۔ سعودی سفیرءَ گوشت کہ سعودی عرب ءُُ پاکستان دوستی ‘ عقیدے ‘مذہب ءُُ دودربیدگی رھوت ءَ گوں بستگ انت ‘ سعودی عرب ءُُ پاکستانءِ میان ءَ لازوال رشتہ ءَ جوڈ انت۔دوئیں ملکاں یک جان دو قالب انت ،آیاں گوشت کہ مہ ہر وھد پاکستان ءَ گوں کمک کتگ۔آہاں گوشت کہ ھدامرزی شاہ فیصل ءِ اولی اسلامی راھشونی کانفرنس ءِ تہ شریداری ءِ ھوالہ دات ءُُ گوشت کہ دوئیں ملکانی دوستی سرجمیں دگنیا ءِ ھاترا مثال انت ءُُ مہ پاکستان ءَ گوں کار برجاھ ایر کن انت۔ڈپٹی چیئرمین سینیٹ مولانا غفور حیدریءَ اے درگت ءَ گوشتانک دیان ءَ گوشت کہ سعودی عرب ءَ ہر گرانیں وھد ءَ پاکستان ءَ گوں ہمراداری کتگ۔آہاں گوشت کہ انٹرنیشنل ریلیف آرگنائزیشن ءِ ازمت ءِ شموشگ نہ بنت۔زمین چند ،ھار،یا دگہ کجام ھم قدرتی آفت ءِ بیت گل ءَ ہر وھد ءَ پاکستان ءَ گوں ھمراداری کتگ۔آہاں گوشت کہ سعودی عرب عالم اسلام ءِ بنجاھ انت ءُُ ہنچو وتی ارزشت پدر کنگ انت۔مزن وزیر ءِ صلاحکار سردار مہتاب عباسی ءَ اے درگت ءَ تران کنان ءَ گوشت کہ کجام گرانیں وھد ءَ پاکستانی راج ءَ گوں اوشتگ سعودی حکومت ءِ طرہ امتیاز بوتگ۔آہاں گوشت کہ اے وھد ءَ شام،فلسطین،کشمیرءُُ یمن ءِ تہ مسلمانانی ھون ریچگ انت۔ سعودی عرب ءُُ پاکستان ءِ ھوار اسلامی ملکانی مسلمانانی دمگاں کشگ ءُُ ھون ءِ ھلاسی ءِ ھاترا وتی کرد ءَ پیلو کنگ لوٹیت۔آہاں گوشت کہ اسلام امن ءِ مزہب انت ءُُ اسلام ءَ یک انسان ءِ کوش سرجمیں انسانیت ءِ کوش انت۔مار ءَ اسلام ءِ امن ءُُ دیمروئی ءِ کلہو ءَ دیما برگ لوٹیت،اے درگت ءَ اسلامی ریلیف آرگنائزیشن ءِ دمگی ڈائریکٹر جنرل ڈاکٹر عبدہ عتین ءَ ھم تران کت ءُُ گوشت کہ مروچی کمکی چیز آمی اولی کھیپ روان کنگ بوھگ انت آوکیں روچاں گیش کمکی چیز روانہ کنگ بنت
