پاکستانءُ نیپال ءِ نیامءَ سیادی ءَ را گیشیں شریداری ءِ تہا مٹ کنگءِ بازیں موھ اَست
مزن وزیر ءَ نیپالءِ صدرءَ را پاکستانءِ ترءُ تاب کنگءِ دعوت داتگ
کھٹمنڈو۔06مارچ(اے پی پی) مزن وزیر شاہد خاقان عباسی ءَ گشتگ کہ پاکستانءُ نیپال ءِ نیامءَ سیادی ءَ را گیشیں شریداری ءِ تہا مٹ کنگءِ بازیں موھ اَست ، پاکستانءُ نیپال ءَ را سک باز ارزشت دانتءُ دوھیں حکومت ءُ اُلس ءِ تک ءَ نزیکیءَ را گیش کنگءِ واھشت مند اِنت۔ آئیءَ اے گپ نیپالءِ صدر بدھیادیوی بھنڈاری ءِ گوما گپءُ تران کنان ءَ کتگ۔ اے گندءُ نند مہاراج گنج ءَ نیپالءِ سرکاری صدارتی ماڑی ’’ شیتل نواس‘‘ ءَ بوتگ کہ ایشی ءِ تہا معیشت ، سیل ءُ سواد ءُ دودءُ ربیدگ ءَ ھوار بازیں پڑآنی تہا کمک ءَ را گیش کنگءِ سرءَ گپءُ تران بوتگ۔ مزن وزیر ءَ صدر بدھیادیوی بھنڈاریءَ ملک ءِ تہا جمہوریت عمل ءِ سوبمندیں سرجمی ءِ سرءَ مراد بات داتگ۔ مزن وزیرءَ اقتصای سیادی ءُ دونیمگی بیپاری ءِ تہا تہا گیشیءِ تہا کنگ ضلورتءِ سرءَ زور پِرداتگ کہ 2016-17ءَ 5.78ملین ڈالر بوتگ۔ آئیءَ گشتگ کہ پاکستان نیپال ءِ اُلس ءِ سگءُ اوپارءِ منوک اَنت کہ آھاں مزنیں ھورءُ ھارءُ زمین چنڈءِ دیمپانی کتگ۔ آئیءَ گشتگ کہ پاکستان مدام وتی نیپالی سنگتانی ھمراھ اِنتءُ آ نیپال ءِ ھاترءَ تعلیمی ھمدردی کمک پجارینگءِ جزم ءَ کنت۔ مزن وزیر ءَ صدر بڈھیاءَ را پاکستانءِ ترءُ تاب کنگءِ دعوت داتگ۔ آھاں کشمیرءِ جیڑھءِ سرءَ گپ ءُ تران کتگءُ پاک چین اقتصادی راہداری (سی پیک) ءِ سرءَ ھم ھیال ءُ لیکہ ءِ درشانی کنگ بوتگ۔ گندءُ نندءِ تہا نیپال ءِ سینئر عہدگ دارءُ نیپال ءِ تہا استیں پاکستانءِ سفیر مظہر جاوید ھم ساڑی بوتگ۔
