پاک بحریہ ءُُ پاک فضائیہ ملکی سیم سر آنی رکھینگ ءِ سرجمیں ازم ءَ دار ایت، پاک بحریہ ءِ سروک ایڈمرل ظفر محمود عباسی ءِ بحری ایکسرسائز رباط ءِ گڈی مراگش ءَ گشتانک
اسلام آباد ۔ 5 مارچ (اے پی پی) شمالی بحیرہ عرب ءَ پاک بحریہ ءُُ پاک فضائیہ ءَ لانگ رینج اینٹی شپ کروز میزائل آنی فائرنگ ءِ کامیاتیں درشان کت۔ میزائل فائرنگ ءِ ایش درشان زرّئی ایکسر سائز رباط ءِ گڈ ءَ کنگ بوت۔ جارچین پاک بحریہ ءِ رد ءَ سروک پاک بحریہ ایڈمرل ظفر محمود عباسی ءُُ سروک پاک فضائیہ ایئر چیف مارشل سہیل امان ءَ میزائل جے ایف17 تھنڈر ایئر کرافٹ ءُُ پاک بحریہ ءِ F۔22P فریگیٹ پی این ایس سیف ءَ گوں فائر کنگ چار ایت۔ پی این ایس سیف ءَ زرّ ءَ چہ تیاب ءَ ڈن نشانگ بندوکیں مزائل C۔802 فائر کت۔ جے ایف تھنڈر ءَ گوات ءَ چہ زرّ ءَ نشانگ بندوکیں مزائل C۔802AK فائر کت۔ دوئیں پلیٹ فارمز ءَ چہ فائر کنگ بوت میزائل آں وتی وتی نشانگ ءِ ھد ءُُ ابیل آناں کامیاتی ءَ گوں نشانگ بست۔ بحیرہ عرب ءَ مزائل فائرنگ ءِ اے تجروبت پاک بحریہ ءُُ پاک فضائیہ ءِ یکجائی آپریشنز آنی ازمکاری ءِ تلپچیں درور اِت۔ پاک بحریہ ءِ سروک ایڈمرل ظفر محمود عباسی ءَ اے موہ ءِ سر ءَ درشان کت کہ پاک بحریہ ءُُ پاک فضائیہ ملکی سیم سر آنی رکھینگ ءِ سرجمیں ازمکاری ءَ دار ایت۔ ایشی ءَ چہ پد پاک بحریہ ءُُ پاک فضائیہ ءِ نیمگ ءَ یکجائی فلائی پاسٹ ءِ جوانیں درشان ھم پیش کنگ بوت۔ امیرالبحر ءَ اے موہ ءِ سر ءَ پاکستان نیول فلیٹ ءِ آپریشنل تیاری آنی سر ءَ سرجمیں دل یکیمی ءِ درشان کت۔
