کھٹمنڈو ۔05مارچ(اے پی پی) مزن وزیر شاہد خاقان عباسی ءَ گشتگ کہ جنوبی ایشیائی تنظیم برائے دمگی کمک (سارک) یک ھاسیں فورم اِت ، وتی راستیں زانت کاری ءَ چہ پاھدگ چست کنگءِ ھاترءَ باسکیں ملک آنی نیمگءَ چہ راستیں کوشست ءِ پکار اِنت، پاکستان ءَ سارک ءِ تہا تعمیری کرد پیلو کنگءِ جزم کتگ۔ آئیءَ اے گپ سارک ءِ سیکرٹری جنرل امجد حسین بی سیال ءَ گوں گپءُ تران کنانءَ کتگ کہ آھاں دوشمبےءِ روچءَ گند ءُ نند کتگ۔ مزن وزیر ءَ گشتگ کہ پاکستان سارک ءِ تہا تعمیری کردپیلو کنگءِ جزم کتگ ۔ آئیءَ اے گپ ءِ سرءَ زور پِرداتگ کہ سارک وتی باسکیں ملک آنی وت واکی ءِ سرءَ سرجمیں اوست داریت ءُ خطہ ءِ تہا امنءُ ایمنی ، مھکمی ءُ دیمروئی ءِ کشک ءَ رھادگ بوھگءَ پاھدگ مند اِنت۔ امجد حسین کہ آئی ءِ سیادی پاکستانءِ دری سروس ءَ چہ اِنت ءُ آئی ءَ را نیپال ءِ سروکی ءِ تہا 2017ءَ سارک ءِ سیکرٹری جنرل جوڈ کنگ بوتگ ، آئیءَ مزن وزیر ءَ را سارک ءِ انوگیں سُرءُ پرانی ھوالگءَ سرپد کتگ۔
