کابینہ ءِ آؤکیں دیوان ءِ تہا بجلی ءِ انوگیں جاورھال ءِ ھوالگءَ سر پد کنگ بہ بیت
اسلام آباد۔05مارچ(اے پی پی) مزن وزیر شاہدخاقان عباسی ءَ پاورڈویژنءَ را پنتءُ شون کتگ کہ کابینہ ءِ آؤکیں دیوان ءِ تہا بجلی ءِ انوگیں ءُ لوٹ بوتگیں جاورھال ءِ ھوالگءَ سرپد بہ کنت۔ آئی ءَ اے پنتءُ شون دوشمبے ءِ روچءَ بجلی ءِ جاورھالءُ ھالس ہائیڈل نپ ءِ ھوالگءَ مزن وزیر کارگس ءَ جاڑی دیوانءِ سروکی کتگءُ دات گ۔ دیوان ءِ تہا بجلی ءِ وزیر سردار اویس احمد خان لغاری، ھزانگءِ صلہ کار مفتاح اسماعیل ، مزن وزیر ءِ ھاسیں کمک کار بیرسٹر ظفر اللہ خان، ھمگرنچیں ریجنل آنی بنجاھی سیکریٹری ءُ سینئرحکام ھوار بوتگ اَنت۔ واپڑاءِ چیئرمین لیفٹیننٹ جنرل (ر) مزمل حسین ءَ مزن وزیر ءَ را ہائیڈل منافع جات، کلیمزءِ سرءَ پنجاپ ءُ پختونخوا ءَ را تاں انوں دست کپتگیں ادائیگی ءِ ھوالگءَ جاورھال ءِ ھوالگءَ سرپد کتگ۔ مزن وزیر ءَ پنتءُ شون کتگ کہ راستیں جاورھال یکجائی پاھدگ کونسل ءِ آؤکیں دیوانءِ تہا پیش کنگ بہ بیت۔ چیئرمین واپڈا ءَ دیوان ءَ ر اگیشیں بجلی ءِ ھوالگءَ ھم ھال داتگ کہ تربیلاIV، نیلم جہلم ءُ گولن گول ءَ ھوار بازیں پن بجلی منصوبہ جاتءَ چہ آؤکیں ماھاں ر اجی گرڈ ءِ تہا ھوار کنگ بیت۔ مزن وزیر ءَ را لوٹ ءُ رسگ ءِ جاورھال ءُ مارچ ءَ چہ اکتوبر 2018ءَ بجلی ءِ پیداواری جاورھال ءِ ھوالگءَ سرپد ھم کنگ بوتگ۔
