اسلام آباد۔ 05مارچ(اے پی پی ) تہی کارانی ءُ بنجاھی وزیر ، دیمروئی ءُ اصلاحات احسن اقبا ل ءَ گشتگ کہ اوگانستان ءِ سی پیک ءَ ھوار بوھگءَ را وش اَتک کن اَنت، سی پیک سرجمیں خطہ ءَ را یکے دومی ءَ گوںھم دپ کنگءُ اقتصادی ھسابءَ نزیک کنگءِ منصوبہ اِنت ، دنیاءِ بازیں ملک آنی تہا سی پیک ءِ تہا ھوار بوھگءِ واھشت مند انت کہ پاکستانءِ ھاترءَ یک جوانیں گپ اِت۔ اے ھیالانی درشانی آئیءَ گوستگیں روچءَ ھال درءَ گوں گپ ءُ تران کنان ءَ کتگ ۔ آئیءَ گشتگ کہ اے گپ ءِ مارگءَ پد بھارت ھم سی پیک ءِ ھوالگءَ چہ زوت وتی لیکہءَ مٹ کنت۔ آئیءَ گشتگ کہ مارا خطہ ءِ جیوپولیٹکس ءَ چہ درآھگ ءُ جیواکنامکس ءَ آھگ لوٹ ایت، مئے باندات اقتصادی وس ءُ واک ءَ گوں بندوک اِ نت۔ احسن اقبال ءَ گشتگ کہ روبرکتی روٹ سی پیک ءِ مین روٹ اِ نت کہ ایشی ءَ چہ خیبر پختونخوا ءُ بلوچستان ءِ دورءُ دراجیں دمگ دیمروئی ءِ نوکیں دورےءِ تہا ھوار بنت۔ آئیءَ گشتگ کہ خیبر پختونخوا ءِ سروزیر ءَ را دیوانانی تہا ھوار بوھگءَ پد سی پیک منصوبہ ءَ را زانگءِ موھ رسیتگ۔ خیبر پختونخوا ءِ سروزیر پرویز خٹک سی پیک منصوبہ ءِ سرءَ مئے گوما یکوئی ءِ گوما کار کنگ ءَ اِنت۔
