اسلام آباد ۔ 5 مارچ (اے پی پی) مزن وزیر شاہدخاقان عباسی نیپال ءِ دو روچی سرکاری تر ءُُ تاب ءِ ھاترا دو شمبے ءَ کھٹمنڈو ءَ پُج اِت۔ مزن وزیر نیپال ءَ جمہوری کار ءِ سرجمی ءُُ نوکیں حکومت ءِ برجائی ءِ پد ءَ نیپال ءِ سروکی آناں مبارکی دنت۔ کھٹمنڈو ءَ پُجگ ءِ پد ءَ نیپال ءِ وزیر ءِ ھزانگ یوباراج کاٹی واڈا نے تری بھون انٹرنیشنل ایئرپورٹ ءِ سرءَ مزن وزیر شاہد خاقان عباسی ءَ را وش اتک کت۔ وزیردرئی کار خواجہ محمد آصف ھم مزن وزیر ءِ ھمبراہ اَت۔ نیپال ءَ مزن وزیر کھد کاپرشاد شرما اولی ءِ سروکی ءَ فروری ءَ حکومت ءِ جوڑ کنگ ءَ پد ایش میاں اوستمانی دُگنیا ءِ سروک آنی تہ ءِ اولی تر ءُُ تاب اِنت۔ مزن وزیر شاہد خاقان عباسی اے تر ءُُ تاب ءَ وتی نیپالی ھمکار ءُُ صدر بیدیادیوی بہادری ءَ گوں گند ءُُ نند کنت ۔ نیپال سئے نیمگ ءَ بھارت وھدیکہ تبت ءِ کشک ءَ چین ءَ گوں مل ات۔ درئی کارانی کارگس ءِ رد ءَ مزن وزیر ءِ تر ءُُ تاب پاکستان ءَ گوں نزیک ءِ ملک آں رابطہ ءِ واستہ کوشست آنی تہ ءَ گیش کرد آنی بھر اِنت۔ مزن وزیر شاہد خاقان عباسی ءِ ایش تر ءُُ تاب تجارت ، وانگ ءُُ زانگ، دیمپانی ءُُ الس ءَ گوں الس ءِ رابطہ ءَ ھوار وت مہ وتی واھگی ءِ توامیں شوبگ آنی تہءَ دو نیمگی یکوئی ءَ را گیش شاھیگانی ءُُ برجائی ءِ یک موہ ءِ پُجارین ایت۔ یک دمگی گل ءِ بستار ءَ سارک ءَ را گیش برجا جوڑ کنگ ءِ ھوالگ ءَ چار ءُُ بچار کنگ بیت۔ پاکستان ءَ نیپال ءِ سفیر سیوالمسال آدھیکاری ءَ 2مارچ 2018ءَ مزن وزیر شاہد خاقان عباسی ءَ گوں گند ءُُ نند کت ایشی ءِ ساھت ءَ سفیر ءَ نیپالی سروکی ءِ نیمگ ءَ مزن وزیر شاہد خاقان عباسی ءِ واستہ وش اتکی کلوہ سر کت اَنت۔ آئی ءَ دو نیمگی یکوئی آناں گیش برجا کنگ ءِ ھوالگ ءَ جیڈھ آنی سر ءَ ھیال ریچی کت۔ نیپال ءِ پڑ ءَ یک المی ایں ءُُ پاکستان ءِ نزیکیں دوستیں ملک اِت۔ نیپال ءِ گوما مئے یکوئی جوان، وت مہ وتی شرپ ءُُ ازت ءُُ واھگ آنی سر ءَ اَنت۔ دو نیمگی فورمز آنی تہ ءَ مئے یک ءِ دومیگ ءِ گوما کمک لازمی اَت۔
