بُرزی ایوان ءِ تہ بلوچستان ءِ جیڈھ ءِ گیشینگ ءُُ صوبگ ءِ دیمروئی ءُُ وشھالی ءِ ھاترا وتی سرجمیں کرد ادا کنیں،انوں کسے ھم گلءِ پلہ مرزی نہ کتگ انت،نوک گچین بوتگیں سینیٹر انوارالحق کاکڑ ءِ ’’اے پی پی ‘‘ءَ گوں گپ ءُُ تران

کوئٹہ۔05مارچ( اے پی پی)بلوچستانءَ چہ سینیٹ ءِ نوک گچین بوتگیں باسک سینیٹر انوارالحق کاکڑ ءَ گوشت کہ سینیٹ ءِ چیئرمین ءُُ ڈپٹی چیئرمین ءِ نامینگ ءِ ھاترا دراھیں آپشنز پچ انت۔انوں کسے ھم گل ءَ گوں پلہ مرزی نہ کتگ انت بلے لہتیں سیاسی گلانی بنجاہی راھشون ءَ مئے گروپ ءَ گوں رھوت ءِ دزبندی کتگ انت ،اے گپ آہاں دوشمبے ءَ وتی گِس ءِ سرا ایسوسی ایٹڈ پریس آف پاکستان ءَ گوں ھاسیں گپ ءُُ تران کنان ءَ گوشت انت،سینیٹر انوارالحق کاکڑءَ گوشت کہ پاکستان تحریک انصاپ ءُُ پیپلز پارٹی ءِ راھشون ءَ مئے ٹولہ ءِ سوبمند ءِ سینیٹرز ءِ گوما مرادباتی کلہو داتگ انت بلے مہ انوں چیئرمین ءُُ ڈپٹی چیئرمین سینیٹ ءِ نامینگ ءِ ھاترا کسے ھم گلے پلہ مرزی نہ کنگ انت ءُُ اے ھوالہ ءَ گوں دراھیں گلاں گوں گپ ءُُ تران ءُُ رھوت ءِ آپشن پچ انت،سینیٹر انوارالحق کاکڑءَ گوشت کہ آں وتی گروپ ءِ دگہ باسکاں گوں ھواری ءَ بُرزی ایوان ءَ بلوچستان ءِ جیڈھ آنی ھلاسی ءُُ صوبگ ءِ دیمروئی ءُُ وشھالی ءِ ھاترا سرجمیں کرد ادا کن انت۔آہاں گوشت کہ بُرزی ایوان ءِ تہ صوبگ ءِ راج ءِ یکجاھیں جیڈھ ءِ گیش ءُُ گیواری ءِ ھاترا توار بُرز کناں۔