مراگش ءِ برجمداری سینیٹ سیکرٹریٹ ءُُ پارلیمانی رپورٹرز ایسوسی ایشن ءِ ہمراداری ءَ کنگ بوتگ
مراگش ءَ میاں رضا ربانی ءِ چیئرمین سینیٹ ءِ بستار ءَ کرد ءُُ آئی ءِ نیمگا چہ نوکیں راھبند دیما آرگ ءِ ھوالہ ءَ گوں ھیال ریچی کنگ بیت
اسلام آباد ۔ 5 مارچ (اے پی پی) چیئرمین سینیٹ میاں رضا ربانی ءَ شرپ ءَ گڈی مراگش مروچی (سئے شمبے ءَ ) پارلیمنٹ ماڑی ءَ بیت۔اے مراگش ءِ برجم داری سینیٹ سیکرٹریٹ ءُُ پارلیمانی رپورٹرز ایسوسی ایشن ءِ ہمراداری ءَ گوں کنگ بوتگ۔گڈی مراگش ءَ پارلیمنٹ باسک ءُُ پی آر اے ءِ بنجاہی اگدھ دار شریداری کن انت۔مراگش ءَ شریدار چیئرمین سینیٹ میاں رضا ربانی ءِ چیئرمین سینیٹ ءِ بستار ءَ نوکیں راھبند دیما آرگ ءِ ھوالہ ءَ گوں ھیال ریچی کنگ بیت۔ میاں رضا ربانیءَ وتی سئے سال ءِ وھد ءُُ پاس ءَ چیئرمین ءِ بستار ءَ ،سینیٹ ءَ را مھکیں ادارگ جوڈ کنگ ءِ ھوالہ وتی کرد پیلو کتگ۔آہاں گوشت کہ سینیٹ ءِ فورم ءَ را بنجاھ پاکستان ءِ چاریں اکائی آنی ہکجائی ءُُ یکوئی ءِ ھوالہ ءَ گوں باز گہتر انداز ءَ فعال کت ایشی ءِ ابید سینیٹ ءِ دیوان ءِ بنگیجی وھد ءَ کنگ ءِ ھوالہ چہ ھم آہاں یک مزنیں کرد ادا کتگ۔
